02 янв 2015 16:29Тоҷикистон / Дин ва зиндагӣ / Тема дня

Таҷлил аз мавлуди паёмбари Ислом дар Тоҷикистон ва даъвати Тураҷонзодаҳо

Намозгузорони Масҷиди марказии шаҳри Душанбе – пойтахти Тоҷикистон аз 1444-солагии милоди Паёмбари гиромии Ислом – Муҳаммад (с) таҷлил карданд.

Домулло Саидакбар, муовини раиси Шӯрои уламои Маркази исломии Тоҷикистон рӯзи 2 январ аснои суханронӣ дар Масҷиди марказии шаҳри Душанбе, аз Муҳаммад (с) беҳтарин шахсият ном бурда, ба дунё омадани ӯро раҳмати Худованд ба бандагонаш донист. Ӯ гуфт, “агар мову шумо ба зиндагинома ва суханҳои охирин паёмбари замон назар андозем, баръало хоҳем фаҳмид, ки таваллуди ӯ дар рӯи замин раҳмате барои бандагон аст”.

Муовини раиси Шӯрои уламои Маркзи исломии кишвар аз саргузашт ва азобу машаққати Муҳаммад (с), ки ҳанӯз дар синни хурдсолӣ аз падару модар маҳрум шуд, ёдоварӣ карда гуфт, саргузашти паёмбари Ислом барои афроди аз падару модар ҷудошуда, намунае хуб аст, ҷун беҳтарин шахсият дар рӯи замин ятим ба воя расидааст. Дар ҳамин ҳол, Раёсати Шӯрои уламои Маркази исломии Тоҷикистон низ бо нашри як паём тамоми мусулмонони кишварро бо Рӯзи мавлуди паёмбар (с) табрик гуфтааст. Дар паёми ин ниҳод, ки дар торнамоии Muftiyat.tj ба табъ расид, аз ҷумла омадааст, “Мавлуди Расули Худо (с) дар таърихи башарият рӯйдоди басо муҳим ва фаромӯшношуданист. Ба шарофати ин рӯйдоди саодатофарин таҳаввулоти азиме ба вуқуъ пайваст ва олам ба нури вуҷуди Ӯ мунаввар гардид”.

Ба гуфтаи масъулини Маркази исломӣ, агар ба ҳикмати зиндагонии пайғамбари гиромӣ (с) аҳамият диҳем, дар он маънои ҳамдилию ҳамбастагӣ, дӯстию муҳаббат, одобу ахлоқи ҳамида, раҳму шафқат ба ятимону бепарасторон ва дигар амалҳои неки исломию инсониро хоҳем дид. Дар табрикоти торнамои хонаводагии бародарон Тураҷонзодаҳо - Turajon.org, ки бахшида ба 1444-солагии милоди паёмбари гиромии Ислом (с) нашр гаридид, гуфта шудааст, “фарқ миёни пешвоёни раббонии гузашта ва пешвои ахир Муҳаммад (с) дар ин аст, ки яке аз онҳо бар як қавм ё ақвоми мутаҷовире фиристода мешуд. Доираи рисолат ва фаъолити Ӯ маҳдуд бар як замон ва маконе буд. Вале Муҳаммад (с) ба тамоми инсоният муждадиҳанда ва бимкунанда мабъус гаштааст. Шариъатҳои пешиниён дар маърази табдилу тағйир қарор доштанд. Аммо шариъати охирин ба нигаҳбонии илоҳӣ кафолат дода шудааст”. Торнамои хонаводагии бародарон Тураҷонзодаҳо дар идома аз сокинони кишвар даъват кардааст, то ҳамасола аз рӯзи зодрӯзи паёмбар таҷлил кунанд: “Милоди ин пешвои раббонӣ бояд, ки ҳамеша таҷлил шавад, то ки дар зеҳни умматонаш ҳамеша таҷдиду навоварӣ ҷилва намояд ва дар роҳи гузаштагони солиҳи худ қадами амалӣ бизананд. Бори дигар пешвоӣ ва муаллимии башариятро мадди назар дошта бошанд”.

Мавлуди паёмбар (с) ҳар сол 12-уми рабеъ-ул-аввал фаро мерасад, ки имсол ба таърихи 2 ва 3 январи соли 2015 рост омад. Аксар вақт аз як ҳафта то давоми як моҳ аз он таҷлил мешавад. Имсол бо қарори Шӯрои уламои Маркази исломии Тоҷикистон дар тамоми масоҷиди ҷомеи Тоҷикистон аз он рӯзи ҷумъа таҷлил карданд.

Мӯҳр

Хабарҳои монанд:

طلبه

Оzodagon!
Лутфан ислох кунед:
Имсол 1435 камари мебошад ва паембари акрам 53 сол пеш аз хичрат ба мадина ба дуне омаданд.
1435+53=1488
Пас имсол 1488 солагии милод он хазрат аст.
Агар бо хисоби хуршеди бошад 14446 мешавад.
Лутфан дикат кунед.
Бо ехтиром ва ташакур: талаба.

Ҷавоб диҳед Иқтибос Шикоят

точик

Имруз дар масчиди домулло Хикматуллохи Точикободи мавлуди паёмбари гироми тачлил гардид, ки мехмонони зиёде аз хар гушаву канори кишвар ва Чумхурии Киргизистон ширкат доштанд.

Ҷавоб диҳед Иқтибос Шикоят

Kodir

Salom Ozodagon Salom Xonandagon, chand wakt pesh Said Mukarram Abdulqodirzoda tanho baxotiri Mawlud dar Masjidi Turajonzodaho Fitna andoxta wa in Masjidro bastand. Fikr mekunam ki boz digar masjidora bastanijand wa mardumro shuru kardand ba jashn giriftani Mawludi Pajombaramon.

Ҷавоб диҳед Иқтибос Шикоят

Исломиддин

Шурои уламои маркази исломи ба мисли макомот кору борашон тахминиву таваккули будааст, Мавлуди Мубораки Паёмбари Ислом (с.а.в) имруз 3-уми январи соли равон дар чахони ислом мутантан тачлил карда мешавад.

Ҷавоб диҳед Иқтибос Шикоят

шахри

САЛАВОТ БАР МУХАММАД/С.А.В./, Худоро шукр, ки тачлил мекунем мавлуди Шафоаткунандаи моро.

Ҷавоб диҳед Иқтибос Шикоят

Саид

Озодагон , илтимос аник кунед.
Мумкин Шурои уламо мавлуди Исои масехро дар назар дошта бошанд?
Мавлуди паёмбар (С.А.В) 3 юм бо 4 уми январ рост меоядку.

Ҷавоб диҳед Иқтибос Шикоят

Эзоҳ илова кунед