Маслиҳати Вазорат ба муҳоҷироне, ки то ҳол шиносномаи хориҷӣ нагирифтаанд
Вазорати умури хориҷии Тоҷикистон бо нашри як иттилоия аз тадбиқи як қатор навгониҳо дар Русия бо оғози соли 2015 барои муҳоҷирони меҳнатӣ хабар додааст.
Ин ниҳод гуфтааст, аз ин ба баъд сафар ва иқомати шаҳрвандони Тоҷикистон дар қаламрави Русия танҳо тавассути шиносномаҳои хориҷӣ имкон дошта, шахсони ноболиғ, ки ҳамроҳи волидайн ва намояндагони қонунии хеш ба ин кишвар сафар мекунанд, бояд шиносномаҳои хориҷӣ дошта бошанд.
“Тибқи ёддошти расмии Вазорати корҳои хориҷии Федератсияи Русия шаҳрвандони Ҷумҳурии Тоҷикистон, ки то 1 январи соли 2015 ба қаламрави Федератсияи Русия бо шиносномаи шаҳрванди Ҷумҳурии Тоҷикистон (шиносномаи дохилӣ) ворид шудаанд, ҳуқуқҳояшон барои муроҷиат ба мақомоти минтақавии Хадамоти федералии муҳоҷирати Федератсияи Русия барои барасмият даровардани ҳуҷҷатҳои зарурӣ ё тамдид намудани будубоши қонуниашон маҳдуд карда намешаванд. Барои чунин категорияи шаҳрвандон тарк кардани қаламрави Федератсияи Русия ба сабаби надоштани шиносномаи хориҷӣ пешбинӣ нашудааст.”- омадааст дар иттилоияи ВУХ
Инчунин гуфта шудааст, шаҳрвандони Тоҷикистони муқими Русия, ки бо шиносномаи дохилӣ то 1 январи соли 2015 сафар кардаанд, барои тарки қаламрави ин кишвар муваззаф нестанд. Ба иттилои дафтари матбуоти Вазорати умури хориҷии кишвар, ин афрод метавонанд, барои гирифтани шиносномаҳои хориҷӣ ба сафоратхона ва консулгариҳои зерини Тоҷикистон дар қаламрави Русия муроҷиат кунанд:
1) Хадамоти консулии Сафорати Ҷумҳурии Тоҷикистон дар Федератсияи Россия, шаҳри Москва, паскӯчаи Скатертный 19;
2) Консулгарии генералии Ҷумҳурии Тоҷикистон дар шаҳри Уфа, кӯчаи Цурюпы 149;
3) Консулгарии генералии Ҷумҳурии Тоҷикистон дар шаҳри Екатеринбург, кӯчаи Гражданская д. 2 литер “А”;
4) Нуқтаи маълумотҷамкунӣ дар шаҳри Санкт-Петербург, гузаргоҳи Фонарный, хонаи 3;
5) Нуқтаи маълумотҷамъкунӣ дар шаҳри Краснодар, кӯчаи 40-лет Победы 94.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |