Гулов дар бораи хешӣ бо президент, курсии консулӣ ва “миёнаравҳо”
Гулов иқрор кардааст, ки дар мавриди таъиноташ хоҳу нохоҳ бо чунин изҳороту назарҳо вомехӯрад. Ӯ мегӯяд, ин овозаҳо ғайримантиқиянд: “Тавре ба ҳама маълум аст, хадамоти консулии Тоҷикистон дар Русия аз ҷумлаи мушкилтарин минтақаҳои фаъолияти Вазорати умури хориҷии Тоҷикистон аст, ки пайваста дар маркази таваҷҷуҳи расонаҳои хабарӣ мебошад. Ин чӣ тавр мешавад, агар воқеан ман мансабамро танҳо ба хотири домодӣ гирифтаам, пас чаро ба ман ҷои “оромтар”-у “равғанинтар”-ро надодаанд.”
Ашраф Гулов муътақид аст, ки омили калидии таъиноташ ба вазифаи консулӣ аввал боварӣ ба ӯ ва баъдан таҷрибаи корияш дар хидмати дипломатӣ мебошад: “Такрор мекунам, ки Хадамоти консулӣ яке аз минтақаҳои мушкилтарин аст ва бо навгониҳо дар қонунгузории Русия боз мушкилтар шуд. Фикр мекунам, омилҳои асосии таъинотам боварӣ ба ман ва таҷрибаи кориям дар хадамоти дипломатӣ аст, ки дастраси омма мебошад. Маро ба ин минтақаи мушкил таъин карданд ва ман хурсандам, ки ба ман бовар кардаанд.”
Консули Тоҷикистон таъкид намудааст, ки ҳадафи асосии фаъолияташ хидматрасонии босифат ва фаврӣ ба тоҷикистониён, махсусан муҳоҷирони меҳнатӣ мебошад. Дар мавриди ҳамкориҳо бо “миёнаравон”, ки аз шаҳрвандон маблағ мегиранд, консули тоҷик иқрор намудааст, ки “миёнаравҳо”вуҷуд доранд, аммо ягон корманди хадамоти консулӣ бо онҳо ҳамкорӣ надорад: “Аммо кафолати садфоизиро танҳо Худо медиҳад. Кормандони хадамоти консулӣ ҳам одаманд ва ман наметавонам ба мағзи ҳар яки онҳо даромада, кафил бошам, ки ягонтои онҳо аз мавқеи хидматияшон сӯиистифода намекунанд. Аммо ман пайваста ба кормандон ҳушдор медиҳам, ки агар сӯиистифодае шавад, ҳатман чораандешӣ мекунам. Ман салоҳияти таъину барканории кадрҳои дипломатиро надорам, аммо асноди лозимиро таҳия карда, ба марказ ба роҳбарияти Вазорати умури хориҷӣ ирсол мекунам.”
Гулов изҳор доштааст, ки тариқи дастгоҳҳои назоратӣ миёнаравҳоро мушоҳида карда, мақомоти ҳифзи ҳуқуқ онҳоро боздошт низ мекунанд: “Аммо баъди муайян кардани шахсият онҳоро боз озод мекунанд, чун бе аризаи шахси воқеӣ исботи қаллобӣ тақрибан имкон надорад.”
Консули Тоҷикистон зимни ин суҳбат ваъда додааст, барои беҳбуди хизматрасониҳо ва сарфаи вақту нерӯҳои онҳо чораандеширо идома хоҳад дод ва ҳатто аз эҳтимоли роҳандозии хизматрасонии электронӣ дар оянда суҳбат кардааст.
Ашраф Гулов, писари 33-солаи Шералӣ Гул, собиқ вазири энергетика ва саноат ва домоди раисиҷумҳури Тоҷикистон мебошад, ки маълумоти олии иқтисодӣ ва ҳуқуқшиносӣ дорад. Фаъолияти корияшро соли 2003 аз Бонки Миллии Тоҷикистон ба ҳайси иқтисодчӣ оғоз карадааст. Ба хидмати дипломатӣ соли 2007 пайваста, ба ҳайси котиб дар сафорати Тоҷикистон дар Белгия ва намояндагиҳои кишвар дар Иттиҳоди Аврупою НАТО фаъолият кардааст.
Аз соли 2010 то 2014 дар кумитаи андози кишвар фаъолият карда, вазифаи сардори раёсати андозсупорандагони калонро ба уҳда дошт. Аз моҳи майи соли 2014 инҷониб роҳбари Хадамоти консулии Тоҷикистон дар Русия мебошад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
