Маслиҳати Тураҷонзода ба муҳоҷире, ки занаш ҳамҷинсгароӣ кардааст
Эшони Маҳмудҷон, яке аз бародарон Тураҷонзодаҳо зимни шарҳи қазияи ду муҳоҷири тоҷик, ки занонашон ҳамҷинсгароӣ кардаанд, ин зуҳуротро аз нигоҳи Ислом ҳаром хонда, онро мерос аз даврони қавми Лут донистааст.
Ин руҳонии маъруфи тоҷик дар посух ба суоли корбари торнамои Turajon.org – веб-сайти хонаводагии бародарон Тураҷонзодаҳо гуфтааст, “ҳамҷинсгароии занҳо дар Ислом ҳукми зиноро дорад.”
Ба гуфтаи Эшони Маҳмудҷон, дар ҳадисҳои паёмбари Ислом – Муҳаммад (с) назар кардани зан ба аврати зани дигар ё мард ба аврати марди дигар мамнуъ хонда шудааст: “Соҳиби тафсири Олуси гуфтаанд: Аввал ҳамҷинсгарои байни занҳо дар қавми Лут ба вуқуъ омадааст. ”
Ин суханҳоро Тураҷонзода дар посух ба пурсиши як муҳоҷири тоҷик - оқои Рустам баён доштааст. Ин муҳоҷири тоҷик гуфтааст, ӯ ҳамроҳи ду рафиқаш бо оилаҳои худ дар муҳоҷирати меҳнатӣ дар Русия қарор доранд ва рӯзе “яке аз ин дӯстонаш зани худро бо зани дӯсти дигар дар ҳолати ҳамхобагӣ дидааст.” Дар пайи баёни қазия муҳоҷир аз номи дӯстонаш аз Тураҷонзодаҳо ҳукми ҳамҷинсгароии занҳо аз нигоҳи Исломро пурсидааст.
Қаблан Сайидмукаррам Абдулқодирзода, раиси Шӯрои уламои Маркази исломии Тоҷикистон, ягона ниҳоди содиркунандаи фатво дар кишвар ҳамҷинсгароӣ ё муносибати мард бо мард ва ё зан бо занро, маҳкум карда, офат ва мусибат дониста буд.
Ин ҳам дар ҳолест, ки Вазорати умури дохилии Тоҷикистон аз сабти 259 ҳамҷинсгаро дар нимсолаи аввали соли 2014 хабар дода буд, ки 49 нафарашон зан мебошанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |