Кумита: Ҳадафи иҷозатномаҳои сафари хориҷиён ба Бадахшон таъмини амният аст
Кумитаи ҷавонон, варзиш ва сайёҳии Тоҷикистон мегӯяд, иҷозатномаи махсус барои боздиди ҷаҳонгардону сайёҳони хориҷӣ аз Бадахшони Куҳӣ танҳо ба хотири амнияти онҳо роҳандозӣ шудааст.
Руслан Назарзода, муовини раиси кумита дар нишасти хабарии рӯзи 8 январ гуфт, “мақсади ин муқаррарот бехатарии сайёҳ ҳаст. Вилояти Бадахшон зиёда аз 1400 км бо Афғонистон сарҳади муштарак дорад. Мақсади ҳукумати Тоҷикистон таъмини бехатарии шаҳрванди хориҷӣ аст”.
Ба қавли ҷаноби Назарзода, дарёфти иҷозатномаи махсус барои боздид аз Бадахшон “дар нақша-чорабиниҳои Шӯрои машваратӣ-сармоягузорӣ дар бахши туризм” дарҷ гардидааст, ки соли 2014 тасдиқ гардид. Аммо ӯ афзуд, ҳукумати Тоҷикистон зина ба зина барои соддагардонии иҷозатнома ба Бадахшон талош мекунад.
Дар нишаст гуфта шуд, шаҳрвандони 81 давлат метавонанд аз 3 фурудгоҳи байналмилалии Тоҷикистон раводид ба кишварро дастрас намоянд.
Ба қавли масъулини Кумита, дар 12 моҳи соли 2014 аз ҳисоби сайёҳон ба иқтисодиёти кишвар 106 миллион доллар маблағ ворид шудааст. Дар ин муддат 213 ҳазору 265 сайёҳи хориҷӣ аз Тоҷикистон дидан кардаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |