Эълони 5 андозсупорандаи беҳтарини Тоҷикистон дар соли 2014
Кумитаи андози назди ҳукумати Тоҷикистон беҳтарин андозсупорандагони соли 2014-ро муайян намудааст.
Тибқи иттилои ин ниҳод, корхонаи «Хуаксин Ғаюр Семент» и ноҳияи Ёвон, ҶДММ «Таком» , «Фабрикаи шири Саодат» аз шаҳри Душанбе, ҷамъияти саҳҳомии пўшидаи «Туризм Промоушн Сервисез Таджикистан» ва Ҷамъияти дорои масъулияти маҳдуди «Баҳористон» аз шаҳри Қайроққум андозсупорандаи беҳтарин интихоб шудаанд.
Манбаъ мегӯяд, барои баҳо додан ба фаъолияти андозсупории корхонаҳо дар назди Кумита, комиссияи махсус таъсис дода шудааст, ки он нишондиҳандаҳои субъектҳои хоҷагидорро аз рўи меъёрҳо омўхта, беҳтарин андозсупорандагони солро муайян менамояд: “Барои муайян намудани беҳтарин андозсупорандагони сол меъёрҳои зерин ба инобат гирифта мешавад- ҳиссаи андозҳои ҳисоб ва пардохтшуда дар ҳаҷми даромади умумии андозсупоранда, шумораи кормандони кироя ва фонди музди меҳнат дар соҳаи фаъолият, дар муҳлатҳои муқарраршуда пешниҳод намудани эъломияҳои андоз, дуруст ҳисоб намудан ва дар муҳлатҳои муқарраршуда пардохт намудани андозҳо, нисбат ба соли гузашта зиёд намудани ҳаҷми маблағи андозҳои ҳисоб ва пардохтшуда, роҳ надодан ба қонунвайронкунии андоз ва зоҳир намудани масъулияти баланди
андозсупорӣ.”
Бино ба иттилои манбаъ, чунин озмун бо мақсади ҳавасманд ва руҳбаланд кардани андозсупорандагон, баланд бардоштани сатҳи фарҳанги андозсупорӣ, ҳар сол роҳандозӣ мегардад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |