АКС: Ғасби хонаи кампир ва интиқоди А. Ғоиб аз бархе адвокатҳо
Оҷонсии мубориза бо фасоди молии Тоҷикистон дар 4 рӯзи ахир аз боздошти ду вакили мудофеи тоҷик хабар дод, ки яке дар фасодкорӣ ва дигаре дар қаллобӣ муттаҳам мешавад.
Тибқи иттилои ин ниҳод, яке аз боздоштшудагон Алишер Файзуллоев, адвокати Асотсиатсия адвокатони «Ҳамкорӣ»-и шаҳри Душанбе бо роҳи қаллобӣ хонаи сеҳуҷрагии Людмила Порхуллоеваро тасарруф намудааст.
Оҷонсӣ мегӯяд, ба Алишер Файзуллоев муяссар мегардад, ки бо роҳи фиреб ва гумроҳ намудани Порхуллоева шартномаи хариду фурушро ба имзо расонида, ғайриқонунӣ соҳиби манзили истиқоматии охирон шавад: “Санаи 9 октябри соли 2014 манзили истиқоматии сеҳуҷрагии ӯро ба Зуҳурова Ғ.Х. ба маблағи 55000 доллари амрикоӣ фурухта, маблағи онро тасарруф намуда ба эҳтиёҷоти шахсиаш сарф намудаааст.”
Тибқи иттилои манбаъ, Файзуллоев бо мақсади фош нагардидани ҷинояти содирнамудааш Порхуллоеваи 73-соларо бо роҳи фиреб нахуст муддате дар хонаи худ, баъдан дар хонаи шиносҳояш ва билохира ба қишлоқ ба хонаи падараш воқеъ дар вилояти Хатлон давоми панҷ моҳ пинҳон мекунад.
Оҷонсӣ меафзояд, ки зимни тафтишоти парвандаи ҷиноятии мазкур маълум гардидааст, ки Файзуллоев ҳангоми фаъолияти адвокатӣ ба истифода аз мақоми хизматӣ бо роҳи фиреб ва қаллобӣ ва сохтакорӣ намудани санадҳои Суди Олии Тоҷикистон ба боварии корафтодагон даромада, дар маҷмуъ дар 22 лаҳзаи ҷиноятҳои содирнамудааш аз онҳо ба маблағи 99350 доллари ИМА ва 12959 сомонӣ тасарруф намудааст.
Манбаъ мегӯяд, феълан алайҳи Файзуллоев бо иттиҳоми қаллобӣ, сохтакорӣ ва ғайриқонунӣ гирифтани кредит парвандаи ҷиноӣ боз шуда, тафтишот идома дорад.
Ин қазия дар ҳолест, ки 3 рӯз пеш Оҷонсии мубориза бо фасоди молӣ аз боздошти адвокат Тошмахмад Саторов хабар дод, ки аз корафтода Зайниддин Ҳусейнов 3 ҳазор дооллар гирифта, ваъда додааст, ҳуҷҷатҳои замин барои манзили истиқоматиро дуруст мекунад, аммо иҷро накардааст. Дар натиҷа Сатторов барои ду сол аз фаъолияти адвокатӣ маҳрум шуда, ба маблағи 28 ҳазор сомонӣ ҷаримабандӣ шудааст.
Қаблан Абдуфаттоҳи Ғоиб, раиси Оҷонсии зидди фасоди молӣ аз фаъолияти бархе адвокатҳо интиқод намуд, ки ба ҳайси миёнарав зимни додани пора баромад мекунанд: “Вазифаи адвокат аз ин гирифта ба вай додан нест. Вазифааш расондани ёрии ҳуқуқӣ аст. Тибқи қонуни нави мо дар бораи адвокатҳо шахсони дорои доғи судӣ ҳақ надорад, адвокат шавад.”
Ба иттилои Абдуфаттоҳи Ғоиб соли 2013 ҳудуди 17 ва соли 2014 даҳҳо ҳолати фасодкории адвокатҳо ба қайд гирифта шудаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |