24 янв 2015 08:55Тоҷикистон / Акс / Тема дня

(АКС) Маҳмадсаид Убайдуллоев ва Озодаи Эмомалӣ хушсалиқаҳои Душанбе эълон шуданд

Радиои “Ватан” барои чорумин бор маросими “ТОП-50” ё 50 хушсалиқаи шаҳри Душанберо баргузор намуд.

Маросими эълони барандаҳои ҷоизаи мазкур шоми 23 январ дар меҳмонхонаи “Ҳаят Реҷенси Душанбе” баргузор шуд. Дар қатори 50 хушсалиқаи пойтахт дар соли 2014 шаҳрдори Душанбе Маҳмадсаид Убайдуллоев ва муовини аввали вазири умури хориҷии Тоҷикистон Озодаи Эмомалӣ низ номбар шуданд. Инчунин, журналистон Заринаи Хушвақт, Фирӯз Баротов, Далери Ғуфрон, Тахмина Раҷабова, Фарангис Исломова, ҳуқуқдонҳо Нигина Баҳриева, Анна Викторова, варзишгарон Нуриддин Давронов, Фирдавс Дӯстов, Матлуба Каримова, Умед Исоев, овозхонҳо Собир Аминову Мадина Ҳақназарова ва чанде аз намояндагони фарҳангу, тиб ва соҳибкорони муваффақ ғолибони ҷоизаи “ТОП-50” буданд.

Ҷоизаи “ТОП-50” яке аз бузургтарин лоиҳаҳои радиои “Ватан” мебошад. Радиои “Ватан” фаъолияти худро 7 майи соли 2003 оғоз карда, дар пойтахти кишвар ва атрофи он рӯи мавҷи 106 ФМ пахш мешавад. Инчунин, радиои мазкур дар маркази вилоятҳои Суғд (103,3 ФМ), Хатлон (102,4 ФМ) ва Бадахшон (105 ФМ) низ қобили шунидан аст. Субҳон Ҷалилов директори барномаҳои “Ватан” қаблан ба “Озодагон” гуфт, ояндаи наздик пахши барномаҳои радиоро тавассути интернет ба роҳ хоҳанд монд.

Мӯҳр

Хабарҳои монанд:

ТАРРОХ

Озода зани зебову кашанг аст, тамошо кардан мумкин, лекин ин ду нафари дигарро нафахмидем, барои чи?

Ҷавоб диҳед Иқтибос Шикоят

OVORA

Озодаи Эмомалӣ, Маҳмадсаид Убайдуллоев ва Абдураҳмон Хонуф омаданд ба маҳфил? Албатта, не. Пас мантиқ куҷост?

Ҷавоб диҳед Иқтибос Шикоят

Тарроҳ

Мардума бо ин корҳотон хандондед.
Дар куҷо Маҳмасаид Убайдуллоеву Озода Раҳмонро дидаед, ки ба оно ин призоя додостонд? Таги коса нимкосае бояд бошад.
Косалесону лаганбардорон дар атрофи ин ду нафар фаъол шудагӣ... оё худошон аз ин кор хабар доранд ми?

Ҷавоб диҳед Иқтибос Шикоят

точик

Хамин мардум бафикрам дигар кор надоранд, худро бо хархел маросимчахои бемаъне, чоизачахои арзон хурсанд карда мегардан. Масалан метавонед чоизахоятонро ба 50 чавони точики ки дар Русия азоби сагро кашида ба Ватан маблаг равон мекунан такдим кунед ё ба олимони чавони точик ё ба Шахбол Мирзоеве, ки аз дастаи ба Ватан хизмат мекунам гуфта ногирони як умра шуд ва гайра. ....

Ҷавоб диҳед Иқтибос Шикоят

ватан

таргиби бехаёиву шармандаги хо мардуми точик чунин тарзи либоспуширо хеч вакт кабул надорад

Ҷавоб диҳед Иқтибос Шикоят

Радиои Ватан

Хар вакт баъди баргузории ин Чоиза мардуме, ки то ин замон шояд аз ин Чоиза
огох набуд, менависад, ки «фалон нафар хушсалика набуд, либоспушии дигар гуна дорад ва гайраву хоказо…». Аммо бояд гуфт, ки максади мо аз ин Чоизаи
харсола факат пайдо кардани нафарони хушлибос нест. Аз миёни нафарони
пешниходшуда мо ва гурухи коршиносон, ки накши хакамонро бози мекунанд,
хамон нафаронеро интихоб мекунем, ки дар зиндаги салика ва завки баланди
кору эчоду офаридан ва зистан доранд. Инчо мо саликаи эчод, дастоварди он
нафар дар соли гузашта, хайёлбофи, талош барои комёби, кушиши зебо сохтани
зиндагии худ ва дигаронро ба назар мегирем. Ин мухимтар аз либосу муйи сари
ороишдодашуда аст. Кариб хамаи онхое, ки сохиби чоиза мешаванд, то охирин
лахза комилан намедонанд, ки номи онхо дар руйхати 50 нафари хушсалика
хаст!

Ҷавоб диҳед Иқтибос Шикоят

Радиои Ватан

Хар вакт баъди баргузории ин Чоиза мардуме, ки то ин замон шояд аз ин Чоиза огох набуд, менависад, ки «фалон нафар хушсалика набуд, либоспушии дигаргуна дорад ва гайраву хоказо…». Аммо бояд гуфт, ки максади мо аз ин Чоизаи харсола факат пайдо кардани нафарони хушлибос нест. Аз миёни нафарони пешниходшуда мо ва гурухи коршиносон, ки накши хакамонро бози мекунанд, хамон нафаронеро интихоб мекунем, ки дар зиндаги салика ва завки баланди кору эчоду офаридан ва зистан доранд. Инчо мо саликаи эчод, дастоварди он нафар дар соли гузашта, хайёлбофи, талош барои комёби, кушиши зебо сохтани зиндагии худ ва дигаронро ба назар мегирем. Ин мухимтар аз либосу муйи сари ороишдодашуда аст. Кариб хамаи онхое, ки сохиби чоиза мешаванд, то охирин лахза комилан намедонанд, ки номи онхо дар руйхати 50 нафари хушсалика хаст!

Ҷавоб диҳед Иқтибос Шикоят

Эзоҳ илова кунед