27 янв 2015 09:35Тоҷикистон / Иҷтимоӣ / Акс / Тема дня

Қадрдонии 115 шаҳрванд барои таъмини амнияти Президент (АКС)

Воҳиди махсуси Вазорати корҳои дохилии Тоҷикистон оид ба таъмини бехатарӣ ва амният дар самтҳои ҳаракати Сардори давлат ва меҳмонони олиқадр бо баргузории як ҷаласа аҳолиро ба ҳамкории бештар даъват кардааст.

Тибқи иттилои Вазорати умури дохилӣ, зимни ҷаласа, ки бо иштироки кормандони ғайриштатии ин ниҳод доир шудааст, полковники милиса Ҳомидов Б, фармондеҳи Воҳиди махсус бо зикри паёми раисиҷумҳур, таъкид намудааст, ҳар шаҳрванди кишвар бояд ба қадри давлати соҳибистиқлол ва зиндагии орому осуда расида, ҳеҷ гоҳ зиракии сиёсиро аз даст надиҳад ва ҳаргиз фирефтаи таблиғоту ақидаҳои бебунёди ифротӣ нашавад. Зимни мулоқот қайд шудааст, ки “ба хотири суботи сиёсии ҷомеа мо ҳама бояд муттаҳид бошем ва ба фаъолияти сохтору мақомоти давлатӣ ҳамаҷониба мусоидат намоем.”

Раҳбарияти Воҳиди махсус афзудааст, феълан 115 ихтиёриӣ ҳамчун корманди ғайриштатӣ мунтаззам дар таъмин намудани бехатарӣ ва амният дар самтҳои ҳаракати Сардори давлат ва меҳмонони олиқадр фаъолона ҳамкорӣ менамоянд: “Аксарияти онҳо дар ҷойи кор ҳам фаъолияти босамар ва интизоми намунавӣ дошта, дар байни ҷомеа сазовори эҳтиром мебошанд.”

Манбаъ мегӯяд, дар анҷоми вохурӣ барои ҳамкории фаъолона 25 корманди ғайриштатӣ бо телефонҳои ҳамроҳи дусимкартадор, 4 корманди ғайриштатӣ бо соатҳои дастӣ ва 10 нафари дигар бо Ифтихорномаи ВКД қадр шудаанд.

Қадрдонии 115 шаҳрванд барои таъмини амнияти Президент (АКС)

Мӯҳр

Хабарҳои монанд:

товус

О инхо кгбхои вазорати дохила аз инхо барои халалдор кардани чаласаи мисли чаласахои ХСДТ истифода мекунанд, баъд мегуянд ки инхо мардуми одди, вагарна ана хамин ба ном гайриштатихи хатанд ки проблема мекунанд, баракс вазъро халалдор мекунанд ва аммо гайриштати нестанд аз хама зиёдпули мегиранд.

Ҷавоб диҳед Иқтибос Шикоят

Бобак

Хубтар мешуд ки бештар инсофу адлу Худотарсиро дар байни кормандонашон ташвик мекрдан, ин кормандон асосан ба мардуми бечора бемаврид онхоро манъ намуда бо лахчаи ба худашон хос дар маркази шахри Душанбе сухан карда хар гунохи набударо бор мекунанд, чаро ки агар инкорро накунан яктини сиех кор карда наметонанд. Чаро ки мучримхои асоси бо мошинхои киммат онхоро писанд намекунанд. ва зури инхо ба онхо намерасад. Душанбеи азизро ба кишлоке ки ягон назм нест оварда расондаанд. Агар гапам хакк набошад якбор баромада дар кучаи рудаки ним соат истед Худи корманди шумо дар пеши пединститут истода аллакай як полосаро банд карда ба характи рох халал меоварад. Хуб дуруст аст ки онхо танхо барои президенту дигар кормандоне ки аз хисоби бючет катаги мекунанд хизмат мекунанд на мардуи асоси ки гуе иродаи он мардум дар ин чо амали мешавад.

Ҷавоб диҳед Иқтибос Шикоят

Эзоҳ илова кунед