27 янв 2015 16:25Тоҷикистон / Акс / Тема дня

АКС: Турсунов дар бораи фасодкории раҳбарияти “Саховат” ва раисони дигар

Шодком Турсунов, масъули Оҷонсии мубориза бо фасоди Тоҷикистон яке аз омилони асосии рушди корруписяро дар ноҳияи Фирдавсии Душанбе ҷобаҷогузории нодурусти кадрҳо дар вазифаҳои роҳбарикунанда хондааст.

Турсунов дар мулоқот бо масъулини ҳукумати ноҳияи Фирдавсӣ изҳор доштааст, ки омӯзиш ва таҳлилҳо нишон доданд, ки яке аз сабабҳои мусоидаткунанда ба ҷиноятҳои коррупсионӣ дар ноҳияи Фирдавсӣ дар сатҳи паст қарор доштани савияи дониши ҳуқуқӣ ва ҳисси пасти масъулиятнокии бархе аз масъулин ва надонистани қонунгузории ҷорӣ оид ба муқовимат бо коррупсия мебошад: “Омили дигари ба содиркунии ҷиноятҳои коррупсионӣ мусоидаткунанда ин дар сатҳи кофӣ ба роҳ намондани назорати дохилиидоравӣ аз болои зердастон мебошад.”

Масъули Оҷонсӣ бо такя ба таҳлилҳо изҳор доштааст, ки бархе рохбарони корхонаву ташкилот худ даст ба ҷиноятҳои коррупсионӣ задаанд: “Аз ҷумла директори КВД «Бозори Саховат» Абдуллоев Б.Қ., бо истифода аз мақоми хизматии худ аз директори ҶДММ «Ҷамил» Салимов Д.Н., маблағи 100.000 сомонӣ гирифта, онро тасарруф намудааст. Ҳамчунин сардори шӯъбаи савдо ва захираи КВД «Бозори Саховат» Комилов М.М., барои хариди молу маҳсулот ва сафари хизматӣ аз хазинаи корхона маблаги 21 455 сомонӣ гирифта онро азонихуд кардааст. Муҳосиб-назоратчии КВД «Нақлиётҳои махсус оид ба кашонидани партовҳои сахти маишӣ» -и н.Фирдавсӣ Давлатов М., бо истифода аз ваколати мансабдорӣ, 5590 сомонӣ маблағҳои давлатиро азонихуд намудааст.”

Оҷонсии мубориза бо фасод мегӯяд, дар соли 2014 аз ҷониби кормандони масъул ва роҳбарони корхонаву ташкилот ва муассисаҳои тобеи Мақомоти иҷроияи ноҳияи Фирдавсии шаҳри Душанбе 18 ҷинояти коррупсионӣ содир карда шудааст, ки аз 12 ҷинояти азонихудкунӣ ё исрофкорӣ, 3 ҷинояти қаллобӣ, 1 ҷинояти ришвадиҳии тиҷоратӣ, 1 ҷинояти гирифтани пора ва 1 ҳолати дигар намуди ҷиноятҳо мебошад.

АКС: Турсунов дар бораи фасодкории раҳбарияти “Саховат” ва раисони дигар

Мӯҳр

Хабарҳои монанд:

Мусофир

Ахсан Бародар Бар Шумо Чиноятро бояд Решакан кнен.Ободи Давлат Аз Шумо Вобаста Хаст

Ҷавоб диҳед Иқтибос Шикоят

муосир

ташакур ба Агентии коррупсия

Ҷавоб диҳед Иқтибос Шикоят

Сорбон

Фактои кухнаро додаст ин коррупсия. Холо директори Саховат дигар кас аст ку. Инаш аз гузаштагиш гузарондагй. Чанобони коррупсия хамиинро бинед.

Ҷавоб диҳед Иқтибос Шикоят

Хамдам Душанбе

Шодком Турсунов дар хакикат шахси донишманд буда, бо дониши худаш ба факултаи хукукшиносии ДМТ дохилшуда ва онро бомуваффакият хатм намудааст. Бо дасту дили нияти пок кор мекунад. Дар дехот тарбия гирифта, дорои одобу ахлоки хамида мебошад. Рахматии падараш устод Турсунов Худоймурод омузгори фанни таърихи мактаби миёнаи дехаи Мадми нохияи Айни буданд. Як шахси халиму мехнати буданд. Бо дастхои худ чанд чойро богистон карданд.
Дар чомеаи мо хамин хел мутахассисон мисли Шодком шахсони ошкор баён лозиманд, то ба мукобили чиноятхои иктисоди ва ришвагири, ки яке аз масъалахои доги руз мебошад, мубориза баранд.
Ба ту барори кор мехохам. Боки саломат бошед.

Ҷавоб диҳед Иқтибос Шикоят

Эзоҳ илова кунед