27 янв 2015 16:44Тоҷикистон / Иқтисодӣ

Боздошти корманди Прокуратура барои талаби 21 000 $ аз ҳамсоя

Оҷонсии мубориза бо фасоди Тоҷикистон аз боздошти мутахассиси шӯъбаи кадрҳои Прокуратураи шаҳри Душанбе хабар дод, ки дар сӯиистифода аз мақоми хизматӣ ва худсарона ишғол намудани замин муттаҳам мешавад.

Тибқи иттилои дафтари матбуоти Оҷонсии зидди фасод Ҷамолиддин Рустамов, зимни фаъолияти хизматии хеш моҳи июли соли 2014 аз шаҳрванд Неъмонов Д. барои 0,07 га қитъаи замини наздиҳавлигӣ дар ҳудуди корхонаи «Мармар» 21 ҳазор доллари амрикоӣ талаб кардааст: “Рустамов баъди гирифтани 10 000 доллари амриқоӣ ба Неъмонов дар ҳудуди корхонаи «Мармар» -и ноҳияи Рӯдакӣ 0,07 га қитъаи замин дода, таъкид кардааст, ки дар ин қитъаи замин сохтумонро оғоз намояд.”

Ӯ ваъда додааст, ки баъди анҷом додани сохтумон ва гирифтани маблағи боқимонда 11 000 доллари амрикоӣ ҳуҷҷатҳоро омода карда, ба Нуъмонов медиҳад: “Ғайр аз ин Рустамов аз заминҳои ҶСШК-и «Мармар» барои худ низ 0,04 га қитъаи замин гирифта, худсарона манзили истиқоматӣ сохтааст.”

Оҷонсии зидди фасод мегӯяд, феълан корманди додситонӣ боздошт шуда, алайҳи ӯ аз рӯи иттиҳоми қаллобӣ, сӯиистифода аз мақоми хидматӣ ва худсарона ишғол намудани қитъаи замин парвандаи ҷиноӣ оғоз шудааст.

Мӯҳр

Хабарҳои монанд:

муосир

ИИИ прокуророн аку хаминтари аст. чикор кунем

Ҷавоб диҳед Иқтибос Шикоят

said

Хамин хел пулхора мегиран ки катагишон бо фуки баландшон одама одам хисоб намекунанд. бад зуршон омад як милисае ки шабу руз хоб нест барои 50 сомон мекапан

Ҷавоб диҳед Иқтибос Шикоят

Рустам

Барои хамин пул дода хукукшиносиба дохил мешаванд, пул дода мехонанд, пул дода кор мегиранд, акнун ун пулои додагишона пас мегардонанд. Конуни инкори инкор хамин-дия! Коррупсия ба пеш!!!

Ҷавоб диҳед Иқтибос Шикоят

шахрванд

Ба фикрам ин корманди прокуратура хисоб намешавад як мутахасис ки бе фармон гуё кор мекардааст

Ҷавоб диҳед Иқтибос Шикоят

Ином

Дар хаки хамаи кормандони прокуратура ин хели сухан гуфтан чоиз нест! Чунки нахамаи кормандони ин макомот даст ба омилхои коррупсиони зада истодаанд! Дар байни кормандони ин макомот нафароне хастанд, ки дар асоси адлу инсоф кор карда, дасту дили тоза доранд! Гумони Бад дар хаки хамаи кормандон нодуруст аст! Дар ин макомот нафарони имондору худотарс низ кор мекунанд! Аз руи як нафар хамаро набояд бахо дод!

Ҷавоб диҳед Иқтибос Шикоят

Эзоҳ илова кунед