30 янв 2015 18:02Тоҷикистон / Сиёсат / Дидгоҳи хос / Тема дня

Прокурор Пираков: Ёқуб Салим як сол пас озод мешавад (ВИДЕО)

Дар пасманзари овозаҳо дар бораи раҳоии Ёқуб Салим, собиқ вазири умури дохилии Тоҷикистон аз зиндон Додситонии генералии Тоҷикистон эълон кард, ки то анҷоми муҳлати ҷазои Ёқуб Салим ҳудуди 1 соли дигар мондааст.

Ин нукта имрӯз, 30-юми январ зимни нишасти матбуотии Додситонии генералӣ, дар ҳузури сардори нави ин ниҳод Юсуф Раҳмонов таъкид шуд. Раҷабалӣ Пираков, сардори шуъбаи назорати иҷрои қонун дар муассисаҳои ислоҳӣ гуфт, Ёқуб Салим феълан дар муассиси тафтишотии Вазорати адлия адои ҷазо дорад: “То анҷоми муҳлати ҷазояш қариб як сол мондааст. Бо адо намудани муҳлати ҷазо аз боздошт озод мешавад.”

ВИДЕОИ суҳбати Пираков дар бораи Ёқуб Салим

Додгоҳи Олии Тоҷикистон Ёқуб Салимовро 25 апрели соли 2004 ба иттиҳоми хиёнат ба ватан, нигаҳдорӣ ва тиҷорати силоҳ ва сӯистифода аз мансаб ба 15 соли зиндон маҳкум карда буд. Нисбати ӯ ду бор қонуни афв татбиқ шуда, муҳлати ҷазояш кам карда шуд.

Ӯ моҳи июни соли 2014 бо ирсоли як нома ба Додситонии генералӣ ва Суди Олӣ зикр карда буд, ки то анҷоми муҳлати ҷазояш ҳудуди 1 солу 8 моҳи дигар мондааст ва дархост намуда буд, ки ӯро шартан пеш аз муҳлат раҳо кунанд,чун вазъи саломатияш хуб нест.

Аммо Рустам Шохмурод, вазири адлияи Тоҷикистон 21-уми январи соли равон зимни нишасти матбуотияш дар посух ба суоли “Озодагон” дар мавриди вазъи сиҳатии Ёқуб Салимов гуфт, “рости гап, дар бораи вазъи саломатии Ёкуб Салимов ягон маротиба напурсидам. Дархосташ барои шартан озод кардан дар салоҳияти мо нест”.

Инчунин Нусратулло Абдулло, раиси Суди олии Тоҷикистон, низ дар нишасти хабарияш гуфт, аз собиқ вазири умури дохилӣ барои бозбинии ҳукмаш дархостеро дарёфт накардаанд. Раиси Суди олӣ 12 январ афзуд, дар сурати пешниҳод шудани чунин дархост ҳатман онро баррасӣ мекарданд. Дар мавриди афви Ёқуб Салимов бошад, гуфт, ки ин масъала дар салоҳияти Комиссияи махсус оид ба афв аст, ки кормандони ниҳодҳои дигар, аз ҷумла додситониро дар бар мегирад.

Мӯҳр

Хабарҳои монанд:

рне

агар накушетон мебуродх чанобон

Ҷавоб диҳед Иқтибос Шикоят

Рахим

Условно-досрочное освобождение - озодии машрут. "Шартан пеш аз мухлат озод кардан" тарчумаи тахтуллафзии истилохи русист. Вакте ба касе озодии машрутро эъто мекунанд, ин ба он маъност, ки он нафар пеш аз поёни давраи махкумият берун аз зиндон мешавад.
"...ва дархост намуда буд, ки ӯро шартан пеш аз муҳлат раҳо кунанд,чун вазъи саломатияш хуб нест."-ро мешавад "...ва дархост намуда буд, ки ӯро машрут раҳо (озод) кунанд, чун вазъи саломатияш хуб нест." гуфт.

Ҷавоб диҳед Иқтибос Шикоят

Sher

Пираков мухлати бокимондаи чазои Ёкубро зиёда аз як сол мегуяду Озоди бошад камтар аз як сол менависад. Кадомаш сахех бошад? Видеоро як бор гуш кунед ва пас матни худро тафтиш намоед. Дуруст гуфтам?

Ҷавоб диҳед Иқтибос Шикоят

Аналитик

Ҳаргиз бовар надорам, ки ӯро зинда гузоранд

Ҷавоб диҳед Иқтибос Шикоят

Abdulloev

канешна зинда намеброран шери нара

Ҷавоб диҳед Иқтибос Шикоят

Эзоҳ илова кунед