02 фев 2015 09:47Оcиёи Марказӣ / Тоҷикистон
Ганҷалзода-номзади Президент ба курсии вазирӣ
Тибқи иттилои манобеи “Озодагон” ин нукта охири ҳафтаи гузашта дар ҷаласаи ҳукумати Тоҷикистон, ки таҳти раёсати Эмомалӣ Раҳмон гузашт, таъкид гардида, дар пайи ҷаласа раисиҷумҳур Ганҷалзодаро ба ҳузур пазируфтааст.
Интизор меравад, Ганҷалзода дар симмати вазири нақлиёт Хайрулло Асозодаро иваз намояд. Асозода аз ҷониби Ҳизби ҳокими халқӣ-демократии Тоҷикистон ба ҳайси номзад ба курсии вакилӣ аз ҳавзаи интихоботии ноҳияи Файзобод пешбарӣ шудааст. Аммо гарчанде то интихоботи парлумонӣ камтар аз 1 моҳ мондааст, расман фармони барканории Асозода ва таъиноти Ганҷалзода нашр нашудааст.
ҲОЛНОМА. Ганҷалзода Шералӣ Раҳмон 15 январи соли 1965 дар деҳаи Пехои ноҳияи Данғара дар оилаи хизматчӣ таваллуд шудааст. Аз соли 1971 то соли 1981 дар мактабҳои таҳсилоти №21 ва №14-и ин ноҳия таҳсил намудааст.
Соли 1986 факултаи "Автомобил ва роҳҳо"-и Институти политехникии Тоҷикистонро бо ихтисоси муҳандис-сохтмончӣ хатм кардааст.
Фаъолияти кориашро аз моҳи сентябри соли 1986 ба ҳайси муҳандиси шӯъбаи кофтуковӣ-лоиҳакашии роҳҳои автомобилгарди Институти Лоиҳакашии "Тоҷикгипротранстрой"-и шаҳри Душанбе оғоз намуда, то моҳи октябри соли 1988 дар ҳамин корхона кор кардааст. Аз моҳи ноябри соли 1988 то соли 1990 сардори гурӯҳи сметавию лоиҳакашии идораи истеҳсоли роҳҳои автомобилгарди вилояти Хатлон, солҳои 1990-1993 сардори шӯъбаи истеҳсолии ҳамин идора, солҳои 1994-1995 ҷонишини сардори Трести "Хатлонроҳсоз", солҳои 1995-2003 сардори калонаи автомобилӣ ва ҷонишини директори генералии Иттиҳодияи истеҳсоли "Хатлонроҳ" ифои вазифа намудааст. Солҳои 2003-2006 сардори Раёсати истифодабарии роҳҳои ноҳияи Фирдавсии шаҳри Душанбе, солҳои 2006-2009 роҳбари Кооперативи истеҳсолии "Роҳсози"-и шаҳри Душанбе, аз моҳи сентябр то моҳи декабри соли 2009 дар вазифаи муовини сардори Сарраёсати ободонии шаҳри Душанбе, аз 11 декабри соли 2009 то 06марти соли 2013с. ҳамчун муовини якуми Раиси ноҳияи Синои шаҳри Душанбе ифои вазифа намуда, дар асоси қарори Ҳукумати Ҷумҳурии Тоҷикистон №117 аз 07.03.2013с. ба вазифаи муовини вазири нақлиёти Ҷумҳурии Тоҷикистон таъин гардидааст. Аз моҳи декабри соли 2013 то ҳол дар вазифаи Муовини якуми Вазири нақлиёт мебошад.
Аз соли 2000-ум аъзои Ҳизби халқӣ-демократии Тоҷикистон буда, 12 марти соли 2010 аз ҳавзаи интихоботии №27-и ноҳияи Синои шаҳри Душанбе вакили Маҷлиси вакилони халқии ноҳияи Сино интихоб гардидааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
