05 фев 2015 11:42Тоҷикистон / Сиёсат

Пешниҳоди қонун барои муҷозоти хайрхоҳони гадоён

Вазорати адлия лоиҳаи қонунеро пешниҳод кардааст, ки тибқи он кӯмак ба гадоён ҷиноят буда, хайрхоҳон метавонанд то як сол маҳбасӣ шаванд.

Лоиҳаи ин қонун, ки аз ҷониби ҳукумати Норвегия мавриди баррасӣ қарор дорад, ба мубориза бо гадоён ва гадоии муташаккилу созмонёфта равона шудааст.

Видар Брайен -Карлсен, вазири адлияи Норвегия дар ин робита гуфтааст, “мо бояд барои пулис ҳаққи қонунӣ бидиҳем, ки онҳо тавонанд зиёд шудани гуруҳҳои гадоёнро ҷилавгирӣ кунанд”.

Аммо Карин Андерсен, вакили порлумон аз ҳизби сотсиалистӣ алайҳи ин лоиҳаи қонун баромад карда, таъкид мекунад, ки ҳукумати кишвараш фақириро ҷиноят шинохтанист: “Бойтарин кишвари Аврупо қишри фақири ҷомеаашро ба гуруҳи муҷримон ворид карданист. Бо қабули ин қонун озодӣ зимни дархост барои кӯмак аз байн меравад.”

Пешниҳоди лоиҳаи ин қонун дар ҳолест, ки дар Тоҷикистон низ афзоиши рӯзафзуни гадоён ба мушкили умда табдил ёфтааст. Дар баробари кӯдак, зан ва солхӯрдаҳои гадо, зиёданд афроди солим, ки корро монда, гадоиро ихтиёр кардаанд.

Мӯҳр

Хабарҳои монанд:

Истиклол

Бисер икдоми нек,хакикатан гадоёни кади рах бехад бисер шудаанд, ба замми ин кумаки пули надихед мачбуру шармандат карда мегиранд.Дар дигар давлатхо гадоёнро кариб, ки намебинед лекин дар бисер чойхои чамъияти, гузаргоххои зеризамини, метро ва марказхои савдо кад-кади рох кутичахо бо нишонаи салиби сурхро мебинед, ки мардум гузашта ба дохили он сумро мепартоянд. Дар мо хам ин корро чори кардан лозим аст, ки хам кучахои мо аз гадохо кам мешавад ва хам мардум аз онхо халос мешаванд.

Ҷавоб диҳед Иқтибос Шикоят

Мухочир

Ба гадо хеч мате хеч магу ! Хайр кардан холис барои худо бошад.Хайр инсонро аз боло нигох медорад.

Ҷавоб диҳед Иқтибос Шикоят

классика

ин лоихаро хеч гох чори накунед. мо мусалмонем ва хайру садака ин неки аст хатто инро газалсароени клоссики мо гуфтаанд. бояд ба ин масъала тавре назар кард ки ба мухточони хакики зулм нашавад, вай куттичахоятонро чиновникон ба кисаи худ меандозанд ба онхо бовари нест. шахсан ман хеч гох аз хайру садака ба мухточон даст намекашам.

Ҷавоб диҳед Иқтибос Шикоят

Эзоҳ илова кунед