05 фев 2015 13:23Тоҷикистон / Дин ва зиндагӣ

Дархости муфтӣ барои дахолати Путин ба манъшавии ҳиҷоб дар Мардова

Равил Ғайнуддин, раиси Шӯрои муфтиёти мусулмонони Русия бо ирсоли як нома аз Владимир Путин, раисҷумҳури ин кишвар барои ҷилавгирӣ аз мамнуъшавии пушидани ҳиҷоб дар мактабҳои давлатии ҷумҳурии Мардова кӯмак хостааст.

Раиси Шӯрои муфтиёти Русия содир кардани чунин қарорҳоро боиси ба ҳошия рафтани духтарони мусулмон хонда, ба Путин гуфтааст, “бовар кунед, барои тақдири ояндаи хоҳарону модарон ва духтароне, ки ҳавасманди омӯзишу таҳсили якҷоя бо ҳамсолони дигари худ дар мадориси умумиро доранд, дилам дард мекунад! Онҳо низ орзӯ доранд, ки фардо ба ҳайси як муаллима, пизишк , коргар ё донишманд ба ҳамватанону фарзандони Ватани худ хидмат кунанду нақше дар ҷомеа дошта бошанд. Дилам ба бонувон ва модароне месузад, ки ба хотири ин мушкили духтарони донишомӯзашон ашк мерезанд.”

Ғайнуддин эҷоди ихтилоф бар сари ҳиҷоби донишомӯзони духтари мусалмон дар мадориси давлатии Мардоваро кори доираҳои манфиатхоҳу душманон донистааст, ки ба гуфтаи ӯ, ин нақшаҳо дар хориҷ тарроҳӣ ва бо ҳадафи ташаннуҷофаринӣ дар равобити мардумони ин кишвар, ба ҷомеаи чандфарҳангии Русия таҳмил мешавад. Дар ҳоле ки мусалмонони Русия дар гузашта ва имрӯз низ ҳамвора дар дифоъ аз тамомияти арзӣ, истиқлол ва рушду пешрафти ин кишвар ҳимоят карда ва хоҳанд кард.

Дафтари матбуотии Шӯрои муфтиёти Русия мегӯяд, номаи раҳбари ин ниҳод дар ҳоле ба унвони Путин ирсол шуда, ки қарор аст, 11 феврал Додгоҳи олии федеролии ин кишвар ҳарфи ниҳоиро дар бораи он ки донишомӯзони Мардова ҳиҷоб мепӯшанд ё намепӯшандро хоҳад зад.

Ба иттилои манбаъ, ин додгоҳ шикояти сокинони мусулмони Мардова аз болои қарори ахири ҳукумати ҷумҳурии худро баррасӣ мекунад, ки дар робита ба манъи пӯшиши ҳиҷоб барои донишомӯзон содир шуда буд.

Мӯҳр

Хабарҳои монанд:

мухлис аз Душанбе

Ахсан рости ин муфтии Точикистон чикор мекунад намаълум дар ягон кор овоз намебарорад мисол: то 18 ба масчид рафтан манъ, дар донишгоххо ё чои кор бо хичоб кор кардан манъ ё дар франсия нисбати динни Ислом чи гапу кор шуд ба хаммаи мо маълум аммо кариб таммоми давлатхо овоз баланд кард хато Киргизистон хам лекин мо ТОЧИКХО бо муфтимон хап

Ҷавоб диҳед Иқтибос Шикоят

саидчон

РАҲМАТИ АЛЛОҲ БА ШУМО КИ ДИФОЪ АЗ ЗАНОНУ ХОҲАРОНИ МУСУЛМОНИ МАРДОВА МЕКНЕД КОШ МУФТИ САИД МУКАРАМ ДИФОЪ АЗ ХОҲАРОНИ МО МЕКАРДУ НОМАЕ БА РОҲБАРИ ДАВЛАТАМОН ИРСОЛ МЕКАРД

Ҷавоб диҳед Иқтибос Шикоят

adl

Darhosti mufti gufted dilam hush shud. Fikr kardam muftii hudamon saidmukaram bedor shud az hob. Wale afsus digar budast. Muftii rossiya ham boshad ofarin ki sheri nar budai.

Ҷавоб диҳед Иқтибос Шикоят

Эзоҳ илова кунед