05 фев 2015 16:13Тоҷикистон / Сиёсат

Эмомалӣ Раҳмон қатли Касосибаро "даҳшатовар" хонд

Эмомалӣ Раҳмон, раисиҷумҳури Тоҷикистон бо ирсоли як барқияи тасаллият ба Абдуллоҳи II ибни Ҳусайн, подшоҳи шоҳигарии Ҳошимии Урдун барои қатли ҳавонаварди урдунӣ аз ҷониби гуруҳи “Давлати исломӣ” изҳори ҳамдардӣ кардааст.

Дафтари матбуотии раисиҷумҳур мегӯяд, ин номаи Эмомалӣ Раҳмон имрӯз, 4 феврал ирсол шуда, дар он аз ҷумла гуфта мешавад: “Аълоҳазрат, фоҷеаи қатли ҳавонавард Муоз ал-Касосиба аз ҷониби гуруҳи ифротиву террористии “Давлати исломӣ” моро ба даҳшат андохт”.

Дар идома Эмомалӣ Раҳмон гуфтааст, “ба Шумо нисбати ин талафот таъкид бар он медорем, ки чунин амали нафратангези ғайриисломиву ғайриинсонӣ азму иродаи моро ҷиҳати таҳкими ҳамкории байналмилалӣ дар роҳи решакан намудани ин вабои палид, ки таҳдиде ба амнияту суботи минтақа ва тамоми ҷаҳон гаштааст, беш аз пеш афзун менамояд. Таъзияву ҳамдардии самимонаи моро ба Шумо, пайвандони шаҳид ва мардуми бародари Урдун қабул фармоед”.

Муоз ал-Касосиба, халабони урдунӣ моҳи декабри соли гузашта баъд аз суқути ҳавопаймояш дар давлати Сурия асир афтод. Рӯзи 3 феврали соли равон ҷангҷӯёни “Давлати исломӣ” навори зинда ба оташ кашидани ӯро нашр кард.

Мӯҳр

Хабарҳои монанд:

Мухлис Душанбе

Президенти Точикистон барои зинда ба зинда сузонидани халабони урдунй Муоз Ал-Касосбех ба Шохи ин давлати арабй номаи тасаллият фиристод. Барои чй шахрванди точикро дар Россия охирхои соли 2014 чисмашро пора-пора карда, издиватся карданду то ба хол кисме аз баданаш ёфта нашудаст, ба оилаи ин чавонмарг ва Русия овоз набаровард?! То ба хол ин оила хун мегиряд.

Ҷавоб диҳед Иқтибос Шикоят

Сабр

Ин кадар Точикхои бечораро дар гариби калахошона мегиран саг вори мекушаншон якас овоз намебарора , Худованд рахмат куна ин бародаро

Ҷавоб диҳед Иқтибос Шикоят

Ортикбой

Ана мусулмони" Шарм медорам худро мусулмон гуфтан дар Россия.

Ҷавоб диҳед Иқтибос Шикоят

сталинободи

ортикбай, инхо мусалмон не балки хизматгорони амрикоианд. ИГИЛро амрико спонсори мекунад, яъне барои низоъи миени мусалмонхо.Дастахои террористи, АлКоида ва дигар мисли инхо ин махсулоти Амрико аст. Онхо вазифахояшон аз он иборат аст, ки бо парчами исломи одамонро кушта ва е дигар корхои теророристиро ичро карда номи исломро бадном кардан аст. вале боиси таассуф аст, точикбачахо ки аз бузургии ислом бехабаранд ба доми ин гуруххо меуфтанд. Ана барои хамин китоби мукаддаси КУРЪОНро бодиккат хонда омухтан лозим аст. Мусалмон бародари мусалмон аст ва хуни мусалмонро рехтан гунох аст.

Ҷавоб диҳед Иқтибос Шикоят

Эзоҳ илова кунед