12 фев 2015 17:18Тоҷикистон / Иқтисодӣ

Раиси Бонки Оқохон дар Душанбе: Ҳадаф танҳо фоида нест

Йентен Лама, раҳбари Аввалин бонки молиявии хурд дар Тоҷикистон, ки марбут ба Бунёди Оқохон аст, аҳдофи фаъолияташро дар кишвар баён кардааст.

Лама дар суҳбат бо расонаи “USA Today” изҳор доштааст, Аввалин бонки молиявии хурд, ки беш аз даҳ сол дар Тоҷикистон фаъолият дорад, бештар ба рушди вазъи иҷтимоии мардум таваҷҷуҳ мекунад. Ӯ гуфтааст мо натанҳо дар ҷойҳое, ки зарфияти тиҷоратӣ доранд, кор мекунем, балки талош мекунем ба ҷомеаҳое бирасем, ки ба сармоягузориҳои молӣ таваҷҷуҳ доранд.

“Фаъолияти мо дарозмуддат аст. Мо дар инҷо танҳо ба хотири ба даст овардани фоида нестем, балки мехоҳем ба беҳбуди иқтисодӣ ва иҷтимоӣ мусоидат кунем. Мақсади мо овардани беҳтарин хизматрасониҳои молиявӣ ба иқтисод ва ҳамчунин ба роҳ андохтани институти ҳирфаии молӣ ас”,- гуфтааст Йентен Лама.

Ӯ инчунин таъкид намудааст, ният доранд, кадрҳои маҳаллиро бештар ба мудирият ҷалб кунанд: “Дар авввали фаъолият бештар кадрҳои хориҷиро ҷалб мекардем, ки бо мурури замон ҷойи онҳоро кадрҳои маҳаллӣ гирифта истодаанд.”

Баробари ин ба гуфтаи раҳбари бонк онҳо барои муштариёни худ низ курсҳои омӯзишии саводи молиявиро рӯи даст доранд: “Талош мекунем, муҳоҷирони кории тоҷикро дар Русия ба кушодани суратҳисоби бонкӣ дар Тоҷикистон ҷалб кунем, чун ин ба нафъи онҳост. Мо онҳоро ташвиқ мекунем, ки даромади худро пасандоз кунанд. Илова бар ин бо барои мардуми манотиқи куҳистон барномаеро дар самти коҳиши таъсири офатҳои табии монанди заминларза, обхезӣ ва ғайра ба роҳ андохтем. Барои роҳандозии истеҳсолот низ кӯмак мекунем.”

Раиси Бонк таъкид намудааст, ки таъсири мусбати хизматрасониҳояшонро ба мардум мушоҳида карда истодаанд: “Муштариёни доимии мо, ки корро бо 2 ҳазор доллар сар карда буданд, феълан барои пешбурди тиҷораташон то 100 ҳазор доллар қарз мегиранд ва вазъи тиҷорату зиндагияшон низ хуб аст.”

Йентен Лама афзуд, бонки таҳти раҳбарии ӯ дорои як тим аст, ки ба таҳқиқи зиндагии муштариёни бонк машғул аст: “Мо оморҳои комиле хоҳем дошт, ки нишон медиҳанд, чӣ гуна хизматҳои мо барои пешбурди ҳаёт кумак кардаанд.”

Мӯҳр

Хабарҳои монанд:

Сунатулло

дуруги махз, бо фоидахои калон!

Ҷавоб диҳед Иқтибос Шикоят

guk

танхо ба фоида худ кор мекунед.працентхои шумо аз хама баладтар аз дигар бонкхо. дипозитхо ягон прцент надоранд кридитхо працент аз хама баланд. ин фоида нестми танхо барои фоидаи худ кор мекунед

Ҷавоб диҳед Иқтибос Шикоят

Абдугафор

Агар фоида набошад чаро фоизи каргирхоро баробар ба бонкои ЧТ кардед.Мана Кафолатбонк фоизашро кам кардаги .Шумо бояд 12 фоизи солона кунед онгох гуфта мешавад ки барои фоида кор намекунед!!!!!!!!!

Ҷавоб диҳед Иқтибос Шикоят

зухур азизбеков

салом
салом салом

Ҷавоб диҳед Иқтибос Шикоят

Ramid

Асаломалекум ман шахованди ГБАО {Помир} Точикистон астам .
Мехостам фахмам ,ки тавасути интернет мумкин АСТ ки дар хамин Бонк шот бо фриз % кушоем

Ҷавоб диҳед Иқтибос Шикоят

Эзоҳ илова кунед