Бунёди боғзори нав дар ноҳияи Темурмалик

Кишоварзони ноҳияи Темурмалик соли равон дар майдони 400 гектар боғи нав бунёд намуданд, ки нисбат ба нақшаи пешбинишуда 150 гектар зиёд мебошад.

---

Бино ба иттилои Неъматуллоҳ Темуров, муовини раиси ноҳия, дар ҳоли ҳозир дар ноҳия 725 гектар боғзор ташкил ёфтааст, ки дар ояндаи наздик метавонад ба рушди соҳа ва сатҳи зиндагии сокинон таъсири мусбӣ расонад нақши арзанда бозад. «Бояд гуфт, ҳамасола меваи боғпарварони мо тақрибан ба хориҷ интиқол намеёфт. Баъзан, тоҷирони суғдӣ омада, меваи темурмаликиҳоро харидорӣ карда, мебурданд. Сар аз соли оянда дар нақша дорем, ҳосили рӯёндаро ба воситаи идораи «Тоҷикматлубот»-и ноҳия ва тоҷирони маҳаллӣ ба берун аз кишвар ба савдо барорем. Ин амал ба баланд бардоштани сатҳи зиндагонии мардуми бумӣ мусоидат хоҳад кард», -мегӯяд Темуров. Ин дар ҳолест, ки дар Темурмалик тақрибан ягон корхонаи саноатӣ фаъол несту гузашта аз ин, корхонаҳои сохтмонӣ ҳам танҳо мавсимӣ фаъолият мекунанду бас.

Дар ҳамин ҳол, дар ноҳия 416 гектар токзор мавҷуд аст, ки хоҷагидорон ҳамасола 100-ҳо тонна ангури хушсифат истеҳсол карда, ба навоҳии минтақа ба фурӯш мебароранд.{jathumbnail off}

Мӯҳр