22 фев 2015 11:46Тоҷикистон / Рӯ ба рӯ

Раҳмон аз низомиён хост, барои дигарон намуна бошанд (АКС)

Эмомалӣ Раҳмон, раисиҷумҳури Тоҷикистон аснои суханронӣ ба ифтихори таҷлили 22-юмин солгарди таъсиси Қувваҳои мусаллаҳи кишвар дар хитоб ба сарбозону афсарон гуфт, мардуми Тоҷикистон масъулияти ҳифзи манфиатҳои миллӣ, таҳкими минбаъдаи пояҳои давлатдорӣ, таъмини амнияту осоиши кишвар ва ободиву пешрафти мамлакатро ба зиммаи шумо вогузор намудаааст.

Ӯ афзуд, халқ дар симои хизматчиёни ҳарбии Қувваҳои мусаллаҳ фарзандони бонангу номус ва далеру шуҷои худро мебинад, ки ба савганди ҳарбӣ ва Ватани худ ҳамеша вафодор ҳастанд: "Аз ин рӯ, бояд ҳар як низомӣ дар кору зиндагӣ шахси намуна ва дорои хислатҳои беҳтарини инсонӣ бошад".

Ҷаноби Раҳмон хизмат ба Ватанро шарафи бузург ва дар айни замон вазифаи муқаддаси ҳар як ҷавони бонангу номус хонда, изҳор дошт, ҳар як хизматчии ҳарбӣ бояд хуб дарк намояд, ки ватандӯстӣ ин арзи садоқат ба Ватан – модар ва халқу давлати соҳибистиқлоли худ буда, дар пос доштани арзишҳои миллӣ ва аз тамоми манфиатҳо боло гузоштани манфиати давлату халқ зоҳир мегардад.

"Бовар дорам, ки афсарону сарбозони шуҷои Қувваҳои мусаллаҳи кишвар ба савганди ҳарбии худ ҳамеша содиқ монда, рисолати фарзандии худро дар назди Ватан – модар ва халқу давлати хеш бо сарбаландӣ адо мекунанд ва тамоми донишу таҷриба, малакаву маҳорати худро ба хотири ҳифзи дастовардҳои истиқлолияти давлатӣ сафарбар месозанд",— афзуд ӯ.

Маросими таҷлил аз 22-юмин солгарди таъсиси Қувваҳои мусаллаҳи Тоҷикистон бо ҳузури Эмомалӣ Раҳмон, райисҷумҳур, Шералӣ Мирзо, вазири мудофиа ва Рамазон Раҳимзода, вазири умури дохилӣ, имрӯз, 22 феврал дар Кохи Ваҳдат баргузор шуд. Бино ба иттилои дафтари матбуотии президент, дар ин ҷаласа ба ҳайати роҳбарӣ ва фармондеҳӣ тавсия шудааст, "ба зердастони худ, хусусан ба сарбозони ҷавон ғамхор бошанд, аз ҳолати рӯҳию ҷисмонии онҳо пайваста бохабар бошанд, то ки ба болоравии ҳисси садоқату самимияти онҳо ба халқу Ватан ва тақвияти матонату шуҷоати онҳо дар ҳифзи музаффариятҳои Тоҷикистони соҳибистиқлол мусоидат намоянд".

Мӯҳр

Хабарҳои монанд:

Vatan

Муборак бошад ин чашни пуршукух, ХОМИЁНи аслии МИЛЛАТ ва ВАТАН!!!

Ҷавоб диҳед Иқтибос Шикоят

ШАКА ВАНЧИ

сарахади ту беканор аст.
чашми ту шаб бекарор аст.
кори ту хардам шикор аст.
эй сарбози ватан модар ватан

сарахадат дуру дароз аст.
рохи ту пурпечу тоб аст.
дар сарди кори азоб аст.
эй сарбози ватан модар ватан.

пайрави темурмалик шав
хамчу рустам шеьр гир шав.
сипари ватан ба дил шав.
эй сарбози ватан модар ватан.

пушти ту куххи диер аст.
найзаи душман чу хор аст.
хифзи сархад чоннисор аст.
эй сарбози ватан модар ватан.

ватан гар талаб кунад чон.
дар рохи ватан шав курбон.
то абад зинда кахрамон.
эй сарбози ватан модар ватан.

Ҷавоб диҳед Иқтибос Шикоят

Эзоҳ илова кунед