Изҳороти ҷавонони Бадахшон: Фардоро зери роҳбарии Э.Раҳмон мебинем (АКС)
Руслан Шодиков, муовини раиси Кумитаи ҷавонон, варзиш ва сайёҳии Тоҷикистон аз қавли ҷавонони Бадахшон изҳоротеро нашр кардааст, ки дар он мардуми кишварро ба шукргузорӣ аз ваҳдату оромӣ ва иштироки фаъолона дар интихоботи парлумонӣ даъват намудаанд.
Дар изҳороти нашркардаи Шодиков аз ҷумла омадааст, мо ҷавонони баору номуси ВМКБ - ояндаи имрӯзу фардои Тоҷикистони соҳибистиқлолро бо роҳбарии Эмомалӣ Раҳмон ҳамчун як давлати ободу пешрафта ва озоду демократӣ мебинем, ки мояи ифтихори ҳар як фарди ҷомеа бошад: “Мо бо ин ватани аҷдодӣ ва соҳибтамаддун ифтихор дошта, онро дӯст медорем ва ҳамеша дар сафи пеши созандагони ватан барои ояндаи дурахшони насли ҷавон ва созандагиву бунёдкории ҳар як ваҷаб хоки муқаддаси он қадамҳои устуворона мегузорем”.
Дар изҳорот таъкид шудааст, ки танҳо муҳаббат, самимият ва ҳисси худшиносиву ватандӯстӣ ва зиракии сиёсиву ифтихори миллии мо ба рушди минбаъдаи иқтисодиёт ва иҷтимоиёти хоҷагии халқи мамлакат такони ҷиддӣ мебахшад: “Иштироки фаъолонаи мо таҳти шиори "Мо нисбати тақдири имрӯзу фардои Тоҷикистони азиз бетараф нестем", дар интихоботи навбатӣ, шукргузорӣ ва ифтихори миллии моро нисбати ватани маҳбубамон инъикос менамояд. Боварии комил дорем, ки тамоми мардуми шарифи Тоҷикистон барои амнияти комил, фазои сулҳу субот ва ваҳдату якдилии миллати тоҷик даст ба даст гирифта, аз ҳарвақта дида бештар муттаҳид, созанда ва сипосгузор хоҳем буд ва ин фазоро доимо мисли гавҳараки чашм нигоҳ медорем”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |