Боздошти додари Қурбони Чол барои силоҳу героин
Мақомоти пулиси шаҳри Кӯлоб аз боздошти Ҷаъваршо Чолови 45-сола, аз хонаводаи маъруфи Чоловҳо хабар доданд.
Манбаи “Озодагон” аз шуъбаи умури дохилии Кӯлоб имрӯз, 23-юми феврал ба “Озодагон” гуфт, Ҷаъваршо Чолов ба иттиҳоми нигоҳдории маводи мухаддири героин ва силоҳ боздошт шуда, феълан тафтиши парвандаи ҷиноӣ алайҳи ӯ идома дорад. Манбаъ аз ифшои ҷузъиёти бештари қазия ба далели сирри тафтишот худдорӣ намуд.
Ҷаъваршо Чолов, бародари Қурбон Чолов, яке аз собиқ фармондеҳони Фронти халқӣ мебошад. Худи Қурбон Чолов, субҳи 5-уми ноябри соли гузашта дар синни 55-солагӣ дар пайи фишорбаландӣ ва дарди дил аз олам даргузашт. Хонаводаи маъруфи Чоловҳо аз шаҳри Кӯлоб дар замони ҷанги шаҳрвандӣ яке аз сернуфузтаринҳо дар ҷумҳурӣ маҳсуб меёфтанд. Чоловҳо-даҳ бародарон, аз ҷумлаи қумандонҳоеянд, ки баъди анҷоми ҷанги шаҳрвандӣ ба тиҷорат машғул шудаанд ва баъдан чанд нафари онҳо бо иттиҳомҳои гуногун пушти панҷара рафтанд.
Айни ҳол аз дороии нисбатан назарраси Чоловҳо дар Душанбе, маркази тиҷоратии Панҷшер арзёбӣ мешавад, ки дар бозори Саховат ҷойгир аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |