ҶУЗЪИЁТИ боздошти “Мулло Шералӣ”, ки бо кирму қурбоқа табобат мекардааст
Шоми 25-уми феврал, Вазорати умури дохилӣ бо пахши гузорише тариқи Шабакаи аввали телевизиони Тоҷикистон "Мулло Шералӣ"-ро дар мардумфиребӣ ва гумроҳ сохтани сокинон муттаҳам арзёбӣ кард. Ба иттилои манбаъ, ин сокини 37-солаи шаҳри Ваҳдат гӯиё бо баҳонаи табобати бемориҳои безурётӣ, лакнати забон, бемории қанд, чашм ва монанди инҳо ба боварии мардум даромада, аз онҳо маблағ меситонидааст. Дар гузориш гуфта шуд, беш аз 30 нафар ба доми фиреби Шералӣ Пардаев афтидаанд: “Ӯ асосан беморонро бо кирму қурбоқа табобат мекардааст”.
Манбаъ мегӯяд, Шералӣ Пардаев соли 2010 бо ҷурми истеъмоли маводи нашъадор суд шуда, дар соли 2013 барои мардумфиребӣ ҷаримаи ҳангуфт баста шуд: “Вале ӯ ислоҳ нашуда, бо мақсади ба даст овардани молу сарват бо фиребу найрангҳои худ ба дили сокинони шаҳри Ваҳдат ва деҳаҳои ноҳияи Файзобод роҳ ёфта, гуйё мисли ӯ муллои нотакрору табибе нест. Ӯ беморонро бар ивази маблағҳои калону ҷавоҳироти тиллоӣ дуо мехондааст”.
Худи Шералӣ Пардаев дар ин гузориш иқрор кард, ки мақсадаш бо роҳи фиреб ба даст овардани маблағ будааст: “Пули таштоб 40- 80 сомонӣ, боз 400-500 сомонӣ пули бозбанд медоданд. Мақсадам ҳамин буд, ки халқро фиреб кунам, бовар кунанду пула тиянд ҳамон чизи нашадора харида истифода барем”.
Вазорати умури дохилӣ мегӯяд, “Мулло Шералӣ” беморонро дар ошхонаи канори роҳи Ваҳдат-Душанбе ба дуову табобат фаро гирифта, соҳибони ошхона низ ба ӯ имкон фароҳам овардаанд: “Ӯ бо худ қурбоқаеро оварда нафароне, ки аз иллати безурётӣ муроҷиат мекардаанд, ба онҳо ваъдаи фарзанддор шудан карда, ба тани қурбоқа дуо мехондааст. Барои шифоу мадад беморонро ба гуристону мазорҳо ҳам мебурдааст”.
Дар посух ба ин савол, ки чаро бемороне, ки ба шумо муроҷиат мекарданд, шифо наёфтанд ва чигуна табобат мекардед, боздоштшуда гуфт, “хай бо сураҳои Қуръон ҳам мешавад, хай шифо аз ҷониби Оллоҳ аст, лекин ин як сабаб мешавад-ку тақсир, банда ҳунарашро мекунад”.
Тибқи иттилои мақомоти умури дохилӣ, Шералӣ Пардаев, таълимоти динӣ надошта, аз 9 фарзанди хонавода 7-умин буда, ҳамагӣ то синфи 9 таҳсил кардааст: “Тақрибан 18 сол аст бо аҳли хонавода ва модараш робитаву дидор надорад” .
Модари Шералӣ Пардаев гуфт, борҳо хост писарашро аз ин роҳ баргардонад, вале ба гуфтаҳояш гӯш намедод: “Маро суроғ намекунад, ман ба ӯ гуфтам, ки ту одам нашудӣ гашта дигар хонаам набиё, ман туро оқ кардагӣ, дигар чӣ бигум, ҷазоша судҳо, шумо бидиҳед, аз дастам чизе намеояд”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
