Даъвати Эллиот барои ҳамкорӣ бо руҳониёни саршинос
Сюзан Эллиот, сафири Амрико дар Тоҷикистон зимни ҳамоиши коршиносон дар Душанбе яке аз роҳҳои муборизаи самаранокро бо ифротгароӣ ҳамкорӣ бо руҳониёни саршинос хондааст.
Ӯ дар ҳамоиш, ки 24-уми феврал оғоз шуда, се рӯз идома меёбад, таъкид намудааст, ки Амрико барои ҷилавгирӣ аз густариши экстремизму радикализм бо руҳониёни саршинос ҳамкорӣ мекунад. Сафири Амрико инчунин барои коҳиши гароиши ҷавонон ба ифротгароӣ дар Тоҷикистон зарур хондааст, ки ҷомеаи шаҳрвандӣ ҳар чӣ бештар ба мубориза бо ин зуҳуроти номатлуб ҷалб карда шавад: “Аз ҷумла ҷомеаи шаҳрвандӣ бояд алайҳи таблиғоте садо баланд кунанд, ки аз ҷониби ифротгароён дар шабакаҳои интернетӣ роҳандозӣ шудааст. Мо барномаҳоеро, ки тариқи муколама барои таҳкими субот хидмат мекунанд, рушд медиҳем”.
Игор Лякин Фролов, сафири Русия дар Тоҷикистон низ зимни ҳамоиш изҳор доштааст, ки дар самти мубориза бо ифротгароӣ кишвараш омодаи ҳамкорӣ бо Ғарб аст, агар дуюмӣ аз стандартҳо дугона даст кашад.
Ин дар ҳолест, ки теъдоди тоҷикони ифротгаро, ки феълан дар ҷангҳои кишварҳои исломӣ меҷанганд беш аз 300 нафар арзёбӣ мешавад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |