200 миллион $-и Чин барои корхонаҳои маъдан ва сурб дар Тоҷикистон
Вакилони Маҷлиси намояндагон, палатаи поёнии парлумон созишномаи сармоягузорӣ миёни ҳукумати Ҷумҳурии Тоҷикистон ва “Ширкати кӯҳӣ-саноатии Тоҷикистону Чин” оид ба коркарди маҷмӯии захираҳои кони “Зарнисори Шимолӣ”-ро тасдиқ карданд.
Лочин Файзуллозода, муовини аввали раиси Кумитаи давлатии сармоягузорӣ ва идораи амволи давлатии Тоҷикистон аснои муаррифии лоиҳаи мазкур дар парлумон гуфт, мутобиқи ин санад сармоягузор лоиҳакашӣ, сохтмон ва истифодаи корхонаи истихроҷ ва коркарди маҷмӯии маъданҳои полиметаллӣ дар кони “Зарнисори Шимолӣ”, сохтмони корхонаи металлургӣ ва дигар инфрасохтори зарурии маҳаллиро ба уҳда гирифтааст. Ба гуфтаи ӯ, иқтидори солонаи корхонаи аввал 2 миллион тонна маъдан ва иқтидори солонаи корхонаи дуюм 20 ҳазор тонна сурб мебошад.
Оқои Файзуллозода мегӯяд, мутобиқи ин созишнома сармоягузор тамоми уҳдадориҳоро оид ба маблағгузории лоиҳа дар давоми муҳлат ва мақсадҳои муайянгардида ба зиммаи худ мегирад. Ҳаҷми сармоягузорӣ 200 миллион доллар хоҳад буд ва тибқи нақша лоиҳа бояд то соли 2018 ба анҷом расонида шавад. Ба қавли ӯ, корхонаҳои мазкур бо технологияҳои замонавӣ бунёд гардида, бо оғози фаъолият беш аз 2 ҳазор ҷои кори нав муҳайё хоҳад гашт.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |