16 мар 2015 11:59Тоҷикистон / Иқтисодӣ

Парвандаи соҳибкору харидор барои савдои мошин бо $

Вазорати умури дохилии Тоҷикистон аз боздошти як соҳибкору як харидор дар бозори “Дӯстӣ”-и ноҳияи Бобоҷон Ғафуров хабар дод, ки мошинро бо доллар хариду фурӯш мекардаанд.

Ин ниҳод мегӯяд, алайҳи боздоштшудагон ба иттиҳоми муомилоти ғайриқонунӣ бо асъори хориҷӣ парвандаи ҷиноӣ ифтитоҳ шудааст. Мақомоти пулис мегӯяд, 15-уми март муайян шуд, ки Баротов Мирҳомид, соҳибкори 31-сола аз ноҳияи Бобоҷон Ғафуров ба Сатторов Фарҳод, сокини 22-солаи шаҳри Норак мошинро бо доллар фурӯхтааст, на бо пули миллӣ, ки ин ғайриқонунӣ мебошад: “Аз ҷумла Сатторов барои 1-адад автомашинаи тамғаи “Опел-Вектра” бо соҳибкор Баротов бо нархи 4000-доллари амрикоӣ созиш карда, ба охирон 3000-доллари амрикоӣ ва 65000-рубли Федератсияи Россия додааст”.
Манбаъ мегӯяд, тафтиши парванда аз рӯи ин ҳодиса идома дорад.

Ин дар ҳолест, ки аввали моҳи равон Бонки Миллии Тоҷикистон бо такя ба қонунгузории кишвар дар бораи асъор эълон намуда буд, ки харидуфурӯши молу хизматрасонӣ бо доллар ва дигар асъор дар кишвар, ки феълан васеъ паҳн шудааст, ғайриқонунӣ мебошад ва даъват намудааст, ки ин амалиёт бо пули сомонӣ роҳандозӣ шаванд.

Тибқи иттилоияи Бонки Миллӣ нархгузории амволи гаронарзиш, аз қабили хонаю мошинҳо бо сомонӣ наметавонад омили баландшавии нархҳо ва сатҳи таваррум дар ҷумҳурӣ бошад: “Барои хариду фурӯш бо асъори хориҷӣ бе иҷозати махсус дар қаламрави ҷумҳурӣ қонунвайронкунии маҳз буда, бояд аз ҷониби тамоми мақомоти ваколатдор қатъиян манъ ва пешгирӣ карда шавад”.

Мӯҳр

Хабарҳои монанд:

Довтвлаб

Айб аст! мошинро ба асал хариду фуруш кунанд е ба гандум?
Е мо то хол намедонистем хариду фуруши 99% гардиши Точикистон мо доллар аст ????

Ҷавоб диҳед Иқтибос Шикоят

Sobir

О мошин бошад майлаш. Аммо дар мо хама чизро бо доллар мефурушанд. Дар магозахои мебел хама бо доллар, дар бозори масолехи сохтмони, дар тамоми магозахои фирмавии фуруши телефонхои мобили бо доллар савдо хаст, хатто дар Богчаи кудакос -дет-садик бо доллар кабул мекунанд,, Ягон макомот инро назорат намекунад,

Ҷавоб диҳед Иқтибос Шикоят

муҳоҷир

шарм доред банда вақтеки шиноснома гирифтам қасам ба Худо масъулин фалон долар талаб кардан долар надоштам ҳисоб карда русси додам

Ҷавоб диҳед Иқтибос Шикоят

амин

ей кощ, ки рангу намуди долара Худо гум кунад ки ичора мешинам,, 200 долар бо мега бтем аммо фигр намекунад як хел хонадоро ки мард аз кучо меёбад 200 долари сабилмондаро.. хуб мешуд ки ами ай байн мерафт чонмон медамид..

Ҷавоб диҳед Иқтибос Шикоят

444

мухтарам кормандони Вазорати умури дохилии Тоҷикистон ба шумо айб нест, ки мардумро мебинеду вазорату идорахои хукуматиро не. Оё намебинед, вазоратхо дахлдор бинобар сабаби боло рафтани доллар дар як шабонаруз барои истифода бурдани об ба як нафар 7 сомони, ки миллион куб оби Точикистон ба давлатхои хамсоя бе пул меравад. Барки точик бошад як киловат кувваи баркро то 18 дирам расониданист! Озодагон чоп кун натарс!!!!

Ҷавоб диҳед Иқтибос Шикоят

Эзоҳ илова кунед