Ирсоли парвандаи яке аз моликони “Ином” ба додгоҳи вилояти Хатлон
Додгоҳи ноҳияи Шаҳритус парвандаи Бурҳон Абдуллоев, яке аз моликони бозори “Ином”-ро аз рӯи шикояти Раҳматулло Саъдуллоев, додарарӯси раисиҷумҳури Тоҷикистон ба додгоҳи вилояти Хатлон ирсол намудааст.
Бузургмеҳр Ёров, вакили дифои хонаводаи Абдуллоевҳо имрӯз, 18 март ба “Озодагон” гуфт, ки Бурҳон Абдуллоев аз додгоҳи Шаҳритус дархост намуд, мурофиаҳои ӯ дар додгоҳи вилоятӣ гузаронида шавад, зеро ба додгоҳи Шаҳритус боварӣ надорад: “Зерҳимояам гуфт, ба суди Шаҳритус фишор меоранд, ба адолати судии ин ноҳия боварӣ надорад”.
Манбаъ мегӯяд, додгоҳи Шаҳритус дархости зерҳимояашро қабул намуда, парвандаи ӯро ба додгоҳи Хатлон фиристод ва дар назар аст, мурофиаҳои додгоҳӣ дар суди вилоятӣ гузаранд.
Раҳматулло Саъдуллоев, додарарӯси раисиҷумҳури Тоҷикистон алайҳи нашрияи "Самак" ва Бурҳон Абдуллоев, яке аз моликони бозори “Ином” ба додгоҳи ноҳияи Шаҳритус аризаи даъвогӣ бурда буд. Бузургмеҳр Ёров, вакили дифои хонаводаи Абдуллоевҳо қаблан гуфта буд, Раҳматулло Саъдуллоев, ки раҳбарии ширкати Исмоили Сомонии шаҳри Сарбандро ба уҳда дорад, зерҳимояаш - Бурҳон Абдуллоев ва нашрияи “Самак”-ро дар паст задани шаъну шараф ва эътибори корӣ муттаҳам карда, ҷуброни зарари маънавиро талаб дорад: “Саъдуллоев аз додгоҳ талаб кардааст, ки аз Абдуллоевҳо 100 ҳазор сомонӣ ва аз рӯзномаи “Самак” 50 ҳазор сомонӣ ҷуброни зарари маънавӣ рӯёнда шавад”.
Ба иттилои манбаъ, нашрияи "Самак" аз қавли Абдуллоев навиштааст, ки Раҳматулло Саъдуллоев худро президенти Хатлон гуфтааст ва ин боиси норозигии Саъдуллоев гардидааст.
Ин дар ҳолест, ки қаблан Муҳибулло Саъдуллоев, яке аз бародарон Саъдуллоевҳо бо Бурҳон Абдуллоев барои бозори “Ином”-и Шаҳритус кашмакаши додгоҳӣ доштанд, ки бо боздошти Бурҳон Абдуллоев анҷом ёфт.
Ба иттилои мақомот, феълан алайҳи Ҳошимҷон Ризвонов ва Бурҳон Абдуллоев бо моддаи 32 қисми 3 - тайёрӣ ба ҷиноят ва моддаи 255 қисми 2 - қасдан несту нобуд ё вайрон кардани молу мулк парвандаи ҷиноӣ оғоз гардидааст ва Бурҳон Абдуллоев ба муҳлати ду моҳ ба ҳабси пешакӣ маҳкум шуд.
Хонаводаи Абдуллоев яке аз саҳҳомони бозори “Ином” дар ноҳияи Шаҳритӯс ба шумор мераванд, ки бо додарарӯси президенти кишвар - Муҳибулло Саъдуллоев сари тақсимоти ин бозор баҳси додгоҳӣ доранд. Моҳи майи соли равон Додгоҳи олии иқтисодӣ қарор кард, бозор байни тарафҳо 50 ба 50 тақсим шавад. Абдуллоевҳо аз ин қарор ба Додгоҳи олии Тоҷикистон шикоят бурда, ахиран эълон карданд, дар сурати расидагӣ нашудан ба шикояти онҳо ба барномаи телевизиони "Пуст говорят"-и Шабакаи аввали телевизиони Русия муроҷиат хоҳанд кард.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |