Рустами Эмомалӣ, Каюмарси Ато ва Умаралӣ Қувватов -- чеҳраҳои сол
Каюмарси Ато, сардабири пешини Хабаргузории “Озодагон” ва муҳаррири сомонаи бахши тоҷикии Радиои Озодӣ “Журналисти сол” эълон шудааст. Ин унвон ба ӯ дар пайи назарпурсии нашрияи “Нигоҳ” миёни 15 сармуҳаррири ВАО-и мустақил ва давлатии Тоҷикистон дода шудааст.
Ин нашрия навиштааст, Каюмарси Ато журналисти ҷавон ва собиқ сардабири хабаргузории “Озодагон” тайи як муддати кутоҳ тавонист, “гуруҳеро ба вуҷуд орад, ки ҳоло муҳимтарин бозигарони майдони матбуоти Тоҷикистонро мечархонанд”.
Бар асоси ин назарпурсии “Нигоҳ”, ки натоиҷи он дар шумораи нави нашрия ба табъ расидааст, аз Рустами Эмомалӣ, писари раисҷумҳури Тоҷикистон ва раиси нави Оҷонсии зидди фасоди молӣ дар кишвар “Мансабдори сол” ном бурда шуда, ба Умаралӣ Қувватов, раҳбари кушташудаи созмони мамнӯи “Гуруҳи 24” унвони “Оппозитсионери сол” дода шудааст.
Инчунин марҳум Суҳроб Шарипов, раҳбари пешини Маркази таҳқиқоти стратегии назди президенти Тоҷикистон “Сиёсатмадори сол”, Шуҳрат Қудратов, ҳуқуқшиноси маъруф ва зиндонии тоҷик “Адвокати сол”, Ҳасан Асадуллозода - “Бонкдори сол”, Ҳоҷи Мирзо Ибронов, руҳонии маъруфи тоҷик - “Руҳонии сол”, Гулрухсори Сафӣ, шоираи маъруфи тоҷик - “Адиби сол”, Дилшод Назаров - “Варзишгари сол”, Ҷӯрабек Муродов - “Сарояндаи сол”, Санавбар Абдуллоева - “Соҳибкори сол”, Аловуддин Абдуллоев - “Ҳунарманди сол”, Носир Саидов - “Коргардони сол” ва Шералӣ Кабиров - “Менеҷери сол” эълон шудаанд.
Нашрияи “Нигоҳ” ҳамасола дар арафаи соли нави хуршедӣ чеҳраҳои мардумии тоҷикро бо баргузории як назарсанҷӣ миёни 15 сармуҳаррири ВАО-и мустақил ва давлатии Тоҷикистон эълон мекунад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |