ВВС: Бахши тоҷикӣ ба далели камбуди маблағ баста шуд
Масъулини Сервиcи ҷаҳонии Би би сӣ (ВВС) бо нашри изҳороте далели баста шудани бахши тоҷикии радио ва сомонаи худро дар Тоҷикистон шарҳ додаанд. Онҳо мегӯяд, ин тасмим дар пайи коҳиши ҳазинаҳои сервиси ҷаҳонии Би-би-сӣ гирифта шудааст ва бо шумули рӯзноманигорони бахши тоҷикии ин сервис 105 нафар коргар дар умум кори худро аз даст хоҳанд дод.
Содиқи Сабо, раиси бахши форсии Би-би-сӣ таъкид кардааст, ки баста шудани бахши тоҷикии сервиси онҳо маънои рахт бастани Би-би-сӣ аз Тоҷикистон нест ва пӯшиши хабару руйдодҳои кишвар дар бахши форсӣ ҳамоно идома хоҳад ёфт: "Бо ин ки сафҳаи сириллики бахши форсии Би-би-сӣ баста мешавад, мо ҳамчунон ба пӯшиши хабарии рӯйдодҳои Тоҷикистон дар сойти форсии Би-би-сӣ идома хоҳем дод ва мухотабони мо дар Тоҷикистон илова бар сойти форсии Би-би-сӣ метавонанд ба сойтҳои русӣ ва инглисии Би-би-сӣ ҳам муроҷиа кунанд. Мо ҳамчунон дар Тоҷикистон хабарнигор хоҳем дошт ва мардуми Тоҷикистон метавонанд хабарҳои марбут ба кишварашонро аз тариқи телевизиюн ва родиюи форсии Би-би-сӣ дунбол кунанд."
Дар баробари Исфандиёри Одина, ки масъули намояндагии Би би сӣ дар Тоҷикистон боқӣ мемонад, инчунин Анора Саркорова ба ҳайси хабарнигори бахши русии ВВС ва Суҳроби Зиё, хабарнигори телевизиони ВВС дар Тоҷикистон фаъолияташонро идома хоҳанд дод.
Аммо рӯзноманигорони маъруф - Зарринаи Хушвақт, Мардони Муҳаммад, Зеваршоҳи Муҳаммад, Рӯзигул, Искандари Фирӯз, ки аз кор дар Душанбе ва Урунбой Усмонов аз кор дар Хуҷанд ҷавоб дода шудаанд, чӣ нақшаҳо доранд?
Искандари Фирӯз ҳанӯз дар моҳҳои аввали эълони азми Би би сӣ барои бастани бахши тоҷикии радио, тирамоҳи соли 2014 ба кор ба сомонаи дигар гузашт. Заринаи Хушвақт дар робита ба нақшаҳои ояндааш ба “Озодагон” гуфт, ҳоло ҳеч тасмиме нагирифтааст: “Мехоҳам каме истироҳат кунам”.
Мардони Муҳаммад, ки донандаи хуби забони англисӣ мебошад, ба “Озодагон” гуфт, шояд дар ягон созмони байналмилалӣ ба кор дарояд. Хабарнигор Шамсияи Қосим аз ироаи нақшаҳояш барои оянда худдорӣ кард.
Зеваршоҳи Муҳаммад мегӯяд, феълан аз радио, телевизионҳои давлатӣ ва нашрияҳои давлативу хусусии Тоҷикистон пешниҳоди корро гирифтааст, аммо ҳанӯз ба хулосаи мушаххасе нарасидааст: “Албатта, он ҳуқуқеро, ки дар Би би сӣ доштам, аз дигар расонаҳо талаб намекунам, вале ҳадди ақал шароите бошад, ки зиндагиро чархонда шавад. Аз телевизиони “Тулӯъ”-и Афғонистон ҳам пешниҳодҳо шуданд. Ман ҳоло як моҳ истироҳат мекунам ва баъдан ба як хулосаи мушаххас меоям”.
Дафтари сервиси ҷаҳонии Би-би-сӣ дар Тоҷикистон аз соли 1993 ба ин сӯ фаъолият дошта, дар саргаҳи оғози кори ин радио дар Тоҷикистон журналисти маъруф, шодравон Муҳиддин Олимпур меистод. Акси Зарринаи Хушвақт аз фейсбук гирифта шудааст
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |