Э.Раҳмон: САҲА-бузургтарин созмон дар соҳаи бехатарист (АКС)
Эмомалӣ Раҳмон, раисиҷумҳури Тоҷикистон, зимни мулоқот бо Раиси амалкунандаи Созмони амният ва ҳамкорӣ дар Аврупо (САҲА), муовини якуми сарвазир-вазири корҳои хориҷии Ҷумҳурии Сербия Ивитса Дачич гуфтааст, ки “Мо Созмони амният ва ҳамкорӣ дар Аврупоро бузургтарин созмони минтақавӣ дар соҳаи бехатарӣ мешуморем ва ҳамкорӣ бо он аз самтҳои афзали сиёсати хориҷии Тоҷикистон аст”.
Ивитса Дачич дар доираи сафараш ба Тоҷикистон имрӯз, 1-уми апрел бо Эмомалӣ Раҳмон, Президенти Тоҷикистон мулоқот намудааст.
Ҳамчунин Эмомалӣ Раҳмон ба нақши САҲА дар пешгирӣ аз муноқишаҳо, ҳалли бӯҳронҳо ва барқарорсозии пасазмуноқишавӣ баҳои баланд дода,- ба иттилои Хадамоти матбуоти Президент дар ин мулоқот изҳори бовар карда шудааст, ки дар пешгирӣ аз бӯҳронҳо ва бартарафсозии монеаҳои сунъӣ дар роҳи рушди ҳамкории созандаи минтақавӣ дар Осиёи Марказӣ нақши САҲА эҳсосшаванда хоҳад буд.
Ҳамчунин дар ин мулоқот ба масоили ҳамкорӣ дар самти пурзӯр намудани ҳифзи сарҳади давлатӣ бо Афғонистон, пешгирӣ аз хатарҳои терроризму ифротгароӣ, мубориза бо гардиши ғайриқонунии маводи мухаддир таваҷҷуҳи зиёд зоҳир шудааст.
Эмомалӣ Раҳмон бо Ивитса Дачич вобаста ба рушди демократия ва ҷомеаи шаҳрвандӣ, ҳифзи ҳуқуқи инсон ва озодии матбуот низ суҳбат намуда, доир ба густариши робитаҳои дуҷонибаи Тоҷикистону Сербия низ гуфтугӯҳо сурат гирифтаанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |