Масдудияти Ютуб дар Тоҷикистон барои "профилактика"
Бисёре аз корбарони интернет дар Тоҷикистон, имрӯз, 1-уми апрел изҳор доштанд, ки дастрасӣ ба шабакаи Ютуб дар кишвар масдуд шудааст.
Манбаи “Озодагон” дар яке аз ширкатҳои дастраскунандаи интернет масдудияти Ютубро тасдиқ карда, афзуд, ки дастрасӣ ба ин пойгоҳи видеоӣ ду рӯзи охир маҳдуд шудааст. Манбаъ ин маҳдудиятро ба дастури Хадамоти алоқа марбут донист, ки бо сабаби корҳои профилактикӣ аз ширкатҳои интернетрасон хостааст, Ютубро масдуд кунанд.
Баста шудани ин видеопартал дар қаламрави Тоҷикистон бори аввал нест ва ибтидои соли равон низ саҳифаи Ютуб бо шумули шабакаи иҷтимоии русии “Одноклассники” масдуд гардида буд. Дар пайи масдудияти ин шабакаҳо дастрасӣ ба як қатор филтршикан (анонимайзер)-ҳо, аз ҷумла Hideme.ru, Cameleo.Ru, 2ip.ru/anonim ва xnet.club” низ маҳдуд гардид.
Масдудсозии сомонаҳо дар Тоҷикистон, ки ба як раванди маъмулӣ табдил ёфтааст, борҳо аз ҷониби созмонҳои байналмилалӣ мавриди интиқод қарор гирифта, аз мақомоти Тоҷикистон дархост шуда буд, ки ба ин раванд хотима диҳанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |