03 апр 2015 09:32Тоҷикистон / Иҷтимоӣ

Озмуни Убайдуллоев барои ишғоли мансаби пешини муовини вазир

Маҳмадсаид Убайдуллоев, шаҳрдории Душанбе барои ишғоли мансаби пешини Суҳроб Мирзоев, ки ахиран бо як фармони раисҷумҳури Тоҷикистон муовини аввали вазири нақлиёти кишвар таъйин шуд, озмун эълон кардааст.

Ба иттилои дафтари матбуоти шаҳрдорӣ, озмун барои ишғоли вазифаҳои сардор ва муовини сардори Муассисаи давлатии “Раёсати сохтмон, азнавсозӣ ва таъмири асосию ҷории роҳҳою кӯпрукҳои ҳудуди марзию маъмурии шаҳри Душанбе” аз 2 то 25 апрели соли равон идома ёфта, натоиҷи он то санаи 28 моҳи ҷорӣ эълон хоҳад шуд.

Манбаъ мегӯяд, Мақомоти иҷроияи маҳаллии ҳокимияти давлатӣ дар шаҳри Душанбе барои ишғоли вазифаҳои сардор, муовини сардори Муассисаи давлатии “Раёсати сохтмон, азнавсозӣ ва таъмири асосию ҷории роҳҳою кӯпрукҳои ҳудуди марзию маъмурии шаҳри Душанбе” аз 2 то 25 апрели соли 2015 озмун бо ҷамъбасти он на дертар аз 28 апрели соли 2015 эълон менамояд.

Дафтари матбуоти шаҳрдорӣ афзуд, дар ин озмун ба “довталабоне, ки Донишгоҳи техникии Тоҷикистон ба номи академик М.С.Осимӣ ва ё донишкадаҳои хориҷи кишварро бо ихтисоси сохтмони роҳҳои автомобилгард хатм намуда, таҷрибаи кории роҳбарикунанда аз рӯи ихтисос доранд, инчунин бевосита ба ҳайси пудратчӣ ва фармоишгари шоҳроҳ, роҳҳои автомобилгарди категорияҳои 1-3 фаъолият намудаанд, афзалият дода мешавад”.

Эълони озмун барои ишғоли вазифаи сардори Муассисаи давлатии “Раёсати сохтмон, азнавсозӣ ва таъмири асосию ҷории роҳҳою кӯпрукҳои ҳудуди марзию маъмурии шаҳри Душанбе” дар ҳолест, ки то ин дам раҳбарии ин муассисаро Суҳроб Мирзоев бар уҳда дошт. Мирзоев дар пайи як тағйироти кадрии Эмомалӣ Раҳмон, раисҷумҳури Тоҷикистон 30 марти соли равон муовини аввали вазири нақлиёти кишвар таъйин шуд.

Мӯҳр

Хабарҳои монанд:

доро

Ин Мирзоев одами зур будаст дияю Ягон рохи сохтагияшу ягон купрукаш соз несту боз дар чояш як мох одам мекобанд.Набошад донишгох багайр аз Мирзоев дигар кадр надоштастдия.

Ҷавоб диҳед Иқтибос Шикоят

ghghgh

Бигзор шахси арзанда ва сазовор сохиби ин мансаб шавад!!!! Вале як чизро гуфтаниам ба шахрдори, ки ИЛТИМОС роххое, ки дар миёни хонахо хастан ва сохибони хонахои баландошёна онро бо бетону трубахои охани "МАХСУС" махкам кардаанд барои рафтуои бемамониати автомашинахои сухтор, ёрии таъчили ва дигар хадамотхо давлати мегарданд. ИЛТИМОС аз зери хонахои баландошёна гирифтани гаражхои бехуччат ва деворхое, ки истикоматкунандагони ошёнахои 1-уми бардоштаанд нест карда шавад. Кани он депутатхое, ки ба мачлиси вакилони халки Душанбе интихобашон кардему ваъдахои зиёде доданд, ки ин проблемахоро хал мекунем. Яке аз чунин хонахои баландошёна дар кучаи Мухаммадиев 70 мебошад, аз тарафи рох бошандагони ошёнаи якум гуё хавлии худашон бошад гуфта девор бардоштаанд ва рохро банд карда бетони вазнинро мондаанд.

Ҷавоб диҳед Иқтибос Шикоят

Эзоҳ илова кунед