1-23 май: Эҳёи Спартакиадаи донишҷӯён дар Душанбе, Хоруғ, Хуҷанд, Кӯлоб, Рашт...
Аз 1 то 23 май дар шаҳрҳои Душанбе, Хоруғ, Чкалов, Хуҷанд, Кӯлоб, Қӯрғонтеппа ва ноҳияи Рашт Спартакиадаи донишҷӯёни мактабҳои олии Тоҷикистон гузаронида мешавад. Дар ин бора Бахши таҳлилу иттилооти Кумитаи ҷавонон, варзиш ва сайёҳӣ хабар додааст.
Спартакиадаи донишҷӯён, ки дар даврони Шӯравӣ яке аз маъруфтарин мусобиқаҳои варзишӣ дониста мешуд, дар Тоҷикистон солиёни зиёд баргузор намешуд.
Бар асоси иттилоияи Кумитаи ҷавонон, рӯзҳои 1-5 май мусобиқаи волейбол (мардон) дар шаҳри Чкалов ва 12-16 май дар Хоруғ (бонувон) баргузор мегардад.
Мусобиқаҳои баскетбол (мардон) 5-9 май, гуштии тарзи озод 7-8 май, гуштии дзюдо 5-6 май, бокс 19-23 май, варзиши сабук (мардон ва бонувон), 2-3 май, таэквондо (ВТФ) (мардон ва бонувон) 14-15 май дар шаҳри Душанбе гузаронида мешаванд.
Мусобиқаҳои бастекбол миёни бонувон рӯзҳои 12-16 май дар Қӯрғонтеппа, гуштии миллӣ рӯзҳои 5-6 май дар ноҳияи Рашт, самбо 5-6 май дар Кӯлоб ва мусобиқаи тенниси рӯи миз (мардон ва бонувон) рӯзҳои 12-16 май дар Хуҷанд доир мегарданд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |