Ҷавонони ИДМ ин навбат дар Душанбе гирди ҳам омаданд

Дар бустонсарои ҳукумати Тоҷикистон ҷаласаи навбатии шӯрои кор бо ҷавонони ИДМ ҷараён дорад.  

Тавре аз  кумитаи ҷавонон, варзиш ва сайёҳӣ ба хабаргузории «Озодагон» иттиллоъ доданд, ҳамоиши мазкур фардо низ ба кори худ идома медиҳад. Баррасии масоили муҳим роҷеъ ба ҳаёти ҷавонони кишварҳои аъзои шӯро аз мавзӯъҳои меҳварии нишаст унвон мешавад. Манбаъ афзуд, дар ин ҷаласа намояндагони Тоҷикистон, Русия, Қазоқистон, Қирғизистон, Озарбойҷон, Арманистон, Белорусия, Молдова ва Украина ширкат доранд. Лозим ба ёдоварист, ҷаласаи пешини шӯрои мазкур дар шаҳри Еревани Арманистон баргузор шуд. Он замон Маликшо Неъматов, раиси кумитаи ҷавонон, варзиш ва сайёҳии Тоҷикистонро барои фаъолияти пурсамараш дар пешбурди сиёсати давлатии ҷавонон бо нишони тиллои фахрии вазорати ҷавонони Арманистон қадрдонӣ намудa буданд.

 

Мӯҳр