“Окно”-и Русия дар Тоҷикистон бо 100 ҳазор рубл коргар мепазирад
Муҷтамаи шиносоии обектҳои кайҳонии “Окно”, воқеъ дар шаҳри Норак, ки дар ҳайати Неруҳои дифоии ҳавоиву кайҳонии Русия қарор дорад, тариқи шартнома хоҳишмандонро ба кор қабул мекунад. Ин нуктаро Владимир Хромченков, қумандони шӯъбаи нуршиносиву электроники ин пойгоҳ иброз доштааст.
“Дар мо танҳо афсарон ва сарбозҳо аз тариқи қарордод хидмат мекунанд. Онҳо як қатор ёрмандипулиҳо барои хидмат дар шароити махсус мегиранд. Дар натиҷа мукофоти пулии мутахассисони мо хеле болотар аз онҳоест, ки дар Русия хидмат мекунанд. Барои мисол лейтинант дар мо 80-100 ҳазор рубл мегирад”,-гуфтааст Хромченков.
Муҷтамеи “Окно”-и Русия дар Тоҷикистон дар баландии бештар аз 2,2 км аз сатҳи баҳр, дар куҳҳои Санглох ҷойгир мебошад. Муҷтамеъ барои оҷилан дарёфт кардани маълумот дар бораи ҳолати фазоӣ, феҳристнависии объектҳои фазоии хостгоҳошон маснуъӣ ва барои муайян намудани синф, таъинот ва ҳолати ҷории онҳо пешбинӣ шудааст.
Ин Муҷтамеъ қудрати онро дорад, ки ҳама гуна объектҳои фазоиро дар баландии аз 2 то 40 ҳазор км пайдо бикунад. “Окно” объектҳои фазоиро шабона метавонад бо нурҳои офтоб ва ё нурҳои нишондода пайдо намояд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |