09 апр 2015 16:29Тоҷикистон / Ҷавонон ва варзиш

FIFA: Тоҷикистон мавқеашро ду зина аз даст дод

Дастаи мунтахаби футболи Тоҷикистон дар раддабанди нави Федератсияи байналмилалии футбол (ФИФА) мақоми 143-ро муаррифӣ мекунад. Дар рейтинги қаблӣ дар ҷои 141 буд.

Федератсияи футболи Тоҷикистон дар шарҳи ин раддабандӣ гуфтааст, дастаи таҳти роҳбарии Муҳсин Муҳамадиев дар ин моҳ 175 хол ба даст овард, ки нисбат ба моҳи гузашта 17 имтиёз камтар мебошад. Миёни дастаҳои мунтахаби кишварҳои қораи Осиё ҳам Тоҷикистон ду зина поинтар рафта, акунун дар мақоми 22-юм қарор дорад. Бояд гуфт, дар моҳи гузашта Тоҷикистон ду бозии рафиқона анҷом дода дар ҳардуяш ноком шуд. Аз Молдив бо ҳисоби 2:0 ва аз Сурия бо натиҷаи 3:2 шикаст хӯрд.

Дар раддабандии тозаи FIFA мақоми аввалро қаҳрамони феълии ҷаҳон -- Олмон гирифтааст ва дар даҳгони беҳтарин Аргентина, Белгия, Колумбия, Бразилия, Ҳолланд, Португалия, Уругвай шомиланд.

Аз ҳама ҷаҳиши бузургро дар ин раддабандӣ дастаи мунтахаби Бутан соҳиб будааст, ки 46 зина боло рафта, дар мақоми 163-юм қарор гирифтааст.
Рейтинги навбатии FIFA 7 май нашр мешавад.

Мӯҳр

Хабарҳои монанд:

Яъкуб. Душанбешахр.

Дастаи Точикистон аз Молдив ноком не , балки бо хисоби 2:0 голиб омада буд! Ин кормандони тасодуфиро бояд аз кор гиред. Монанди ман кормандро кабул бояд кунед! Бовар кунед вактхои охир маколахоятон бисёраш хато ваё баръакс хаст. !!

Ҷавоб диҳед Иқтибос Шикоят

Шахрванд

Ба фикрам чизе, ки хохед менависед дуруг аст рост аст номаълум, аллакай ба ду зина поён рафтани дастаи мунтахаб хам шубха дорем. Чуноне, ки огахи дорем дастаи мунтахаби Точикистони азиз дастаи Молдивро дар сафар 2;0 голиб омада буд. Оё кормандони ин мачалахо факат нокомии Точикистонро дар хама чабхахо хохонанд? Кани хисси ватандусти? Агар гуянд, ки дах чо дар Ватан обод шуд наменависед, аммо як дузди, маводи мухадир, тухмати ягон мансабдор шавад тамом ана навису навис. Чунин аст муарифии миллати Точик аз чониби мачалахои озод.

Ҷавоб диҳед Иқтибос Шикоят

Эзоҳ илова кунед