Бадахшон: Имзои нақшаи муштараки Кумитаи амният ва Агентии зидди мухаддирот
Раёсати Кумитаи давлатии амнияти миллӣ дар вилояти Бадахшон бо раёсати Агентии назорати маводи нашъаовар дар ин вилоят нақшаи муштараки мубориза бо муомилоти ғайриқонунии маводи нашъаоварро ба имзо расондаанд.
Тавре аз Агентии назорати маводи нашъаовари назди Президенти Ҷумҳурии Тоҷикистон иттилоъ доданд, дар доираи ин нақша, зимни амалиёти муштарак бо маъмурини Кумитаи амният дар деҳаи Тегмайи ҷамоати Вишхарви ноҳияи Дарвоз ҳамчун гумонбар дар қочоқи маводи нашъаовар сокини 20-солаи вулусволии Моҳи Майи вилояти Бадахшони Афғонистон дастгир гардид: “Аз ӯ як адад халтаи селофанӣ дарёфт карда шуд, ки дар дохили он зиёда аз 6 кило афюн ва 6 кило бангдонаи каннабис-дар маҷмуъ 12 кило маводи мухаддир ҷой доштааст”.
Манбаъ мегӯяд, аз рӯи ҳодисаи мазкур тибқи моддари 200 қисми 3 - “Муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан ба миқдори калон”, моддаи 289. “Қочоқ” ва моддаи 335 “Ғайриқонунӣ гузаштан аз Сарҳади давлатии Ҷумҳурии Тоҷикистон” парвандаи ҷиноӣ оғоз гардидааст: “Айни ҳол чорабиниҳои оперативӣ барои муайян намудани шаҳрвандони Тоҷикистон, ки ба ҷинояти мазкур алоқамандӣ доранд, гузаронида мешаванд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |