Боздошти “миллионер”-и тоҷикистонӣ барои доруи зидди СПИД-у саратон (АКС)
Вазорати умури дохилии Русия аз ифтитоҳи парванда алайҳи як зодаи Тоҷикистон хабар дод, ки дар вилояти Кострома истеҳсоли доруи зидди саратон, СПИД, гепотит ва дигар бемориҳои вазнинро роҳандозӣ карда, дар 17 вилояти Русия мефурӯхтааст.
Тибқи иттилои ин ниҳод доруи истеҳсолкардаи айбдоршаванда "Стрептобластолизин" ном дошта, таъсири онро ихтироъкунанда гӯиё дар бадани худ моҳи августи соли 2013 таҷриба кардааст.
Вазорати умури дохилии Русия мегӯяд, зимни боздид аз коргоҳи зодаи Тоҷикистон маълум шуд, ки доруяш ягон санаду иҷозатнома надошта, худи ӯ низ аз ягон маълумоти махсус барои истеҳсоли дору бархӯрдор нест: “Зимни бозҷӯӣ аз коргоҳ 55 ҳазор ампули "Стрептобластолизин" ва дигар доруҳои тақаллубӣ дарёфт карда шуд”.
Елена Алексеева, намояндаи расмии Вазорати умури дохилии Русия мегӯяд, фурӯши ин дору дар 17 вилояти Русия роҳандозӣ шуда, ҳаҷми фурӯши якмоҳа ҳудуди 10 миллион рублро ташкил медодааст.
Ба иттилои Кумитаи тафтишотии Русия дар ин қазия 4 нафар, аз ҷумла ду роҳбар, ки яке зодаи Тоҷикистон мебошад, муттаҳам шуда, алайҳашон тафтишот идома дорад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |