16 апр 2015 16:42Тоҷикистон / Сиёсат / Рӯ ба рӯ

Талоши дигари писари Достиев барои лағви Тоҷикистон аз “рӯйхати сиёҳ”-и Амрико

Фарҳод Салим, сафири Тоҷикистон дар Вашингтон бо Албио Сирес, вакили Палатаи намояндагони Конгресси Амрико мулоқот карда, бори дигар масъалаи лағви номи кишвар дар “рӯйхати сиёҳ”-и маъруф бо номи Ҷексон — Вэникро ба миён гузоштааст.

Ба иттилои дафтари матбуоти Вазорати умури хориҷии Тоҷикистон, вохурии сафири кишвар дар Вашингтон бо ин узви Кумитаи байналмилалии Палатаи намояндагони Конгресс оид ба масъалаҳои Аврупо ва Авруосиё рӯзи 15 апрел баргузор шудааст.

Манбаъ мегӯяд, яке аз мавзуъҳое, ки дар дидори Фарҳод Салим бо Албио Сирес баррасӣ шуданд, лағви иловагии номи Тоҷикистон дар “руйхати сиёҳ”-и бо номи Ҷексон — Вэник мебошад.

Руйхати Ҷексон — Вэник дар асоси пешниҳоди конгресменҳои амрикоӣ Ҷексон ва Вэник соли 1975 таҳия шуда, тибқи ин пешниҳодҳо Амрико бо кишварҳое, ки дар умури муҳоҷирату иқтисоди озод монеаҳо эҷод мекунанд, монеаҳои тиҷорӣ ворид мекунад. Раисиҷумҳури Амрико ҳақ надорад бо кишварҳои дар ин рӯйхат зикршуда созишномаҳои тиҷорӣ бандаду ҳукумати Амрико қарзҳои кафолатнок пешниҳод кунад. Ба ин рӯйхат собиқ кишварҳои шӯравӣ ва бархе аз кишварҳои сотсиалистӣ ворид будаанд. Аз соли 2000-ум то 2012 бо қарорҳои конгресси Амрико аз ин рӯйхат Қирғизистон, Русия, Украина, Молдова, Арманистон ва Гурҷистон ҳазф шуда, номи Тоҷикистон ҳанӯз дар он боқӣ мондааст.

Баъд аз чанд моҳи таъйин шудани Фарҳод Салим ба ҳайси сафири кишвар дар ИМА Оҷонсии Аllgov, ки ба баррасии чеҳраҳои ҳукумати Амрико машғул аст, бо нашри маводе аз ин дипломати тоҷик таъриф намуда, гуфта буд, “сафири нави тайи муддати кӯтоҳи фаъолияташ мақсад гузоштааст, ки Тоҷикистон аз рӯйхати сиёҳи маъруф бо номи Ҷексон — Вэник, ки аз соли 1975 инҷониб амал мекунад, лағв карда шавад”.

Фарҳод Салим писари 39-солаи Абдумаҷид Достиев, собиқ сафири Тоҷикистон дар Русия буда, зодаи шаҳри Қӯрғон-теппа, оиладор ва соҳиби се фарзанд аст.

Мӯҳр

Хабарҳои монанд:

Гоибназаров Саидкул

Падару модарат ба рахмат фарзанди ба нангу ба номуси Ватан. Фарход Салимов Абдулмачидович.

Ҷавоб диҳед Иқтибос Шикоят

nabi farhor

ман сад дар сад бовари дорам,ки ин кас мисли оташ ягон корею хизмате намеояд барои миллати точик.вакте мо дар мухочират будем дар сафорат рафтем худ шохид хастем,

Ҷавоб диҳед Иқтибос Шикоят

Фирдавс

Сафир чанд пул пешниҳод кардааст, ки ин конгресмен як гап занад (лоби амрикоӣ)?

Ҷавоб диҳед Иқтибос Шикоят

Рустам

Хамин бачахои калонхо сафиру кабир мешудаанд-дия! Барои камбагалхо дар ин гуна вазифахо чой нест... Падараш вакти сафирй точиконро дар Русия ба чойи муттахидй чудо-чудо кард. Чандин сафирон натавонистанд, ки Точикистонро аз руйхати Чексон берун кунанд, аммо натавонистанд. Инаш аз кучо метавонад.

Ҷавоб диҳед Иқтибос Шикоят

рази

ин хама писаро ай дангара сафир мешану мо дипломи сурх кати бозоршину аробакаш...

Ҷавоб диҳед Иқтибос Шикоят

хушнуд

агар дар насибатон набошад намешавед ин кадар бахили бисёрас ба худододагон чанг макун як бор таъриха хонед подшохо чи кор мекардан асари подшох сулаймона хонед факад ба манфиати шахси рахмат ба чаноби оли хамара як нигох мекунад
Рустам,

Ҷавоб диҳед Иқтибос Шикоят

Haker

Акаи журналист, калимаи лагв маънояш манъ кардан аст ва дар ин матни шумо лагв нею аз руйхат гирифта шавад бояд нависед.

Ҷавоб диҳед Иқтибос Шикоят

Конститутсия

Чавоб ба Хушнуд, илтимос даврахои подшохиро ба ёд наоред. Якумаш мо дар давлати хукукбунед,дуюмаш дуняви ва сеюмаш демократи зиндагони мекунем, кам-кам Сарконуни ЧТ-ро хондан даркор.

Ҷавоб диҳед Иқтибос Шикоят

ыв

Аввал як корро ба охир расон, баъд худро пиар кун. Дуюмаш ин ки Точикистон аъзои WTO шудааст. Бе даводави Достиев хам аз руйхати сиех мебарояд.

Ҷавоб диҳед Иқтибос Шикоят

Эзоҳ илова кунед