Норозигии руҳониён аз боздошти муаззин ва қории тоҷик: Парвандааш сохта аст...
Раҳбарияти масҷиди Ҷумъаи шаҳри Махачкалаи Доғистон бо пахши як изҳорот ифтитоҳи парванда алайҳи Ибодулло Наботов, муаззини тоҷики ин масҷидро сохта унвон карданд.
Наботов, ки бо иттиҳоми нигоҳдории ғайриқонунии норинҷак ва чанд грам маводи мухаддир боздошт шуда буд, бо қарори додгоҳи ноҳияи Совети пойтахти Доғистон аз 17-уми апрел дар ҳабси хонагӣ қарор дорад.
Аммо роҳбарияти масҷиди Ҷумъа дар изҳороташ таъкид намудааст, ки “мо талаб дорем, Наботов фавран раҳо ва парвандаи ҷиноӣ алайҳаш қатъ гардад”.
Ба гуфтаи роҳбарияти масҷид ин қории тоҷик 14-уми апрел, баъди даъваташ ба шуъбаи минтақавии пулис боздошт гардид: “Аз таҳқиқи қазия маълум мешавад, ки норинҷак ва мухадиротро махсус ба Наботов марбут додаанд ва маҷбур кардаанд, ки ӯ гуноҳашро иқрор кунад”.
Тибқи иттилои расонаҳои Қафқоз ин изҳороти роҳбарияти масҷиди Махачкала дар намози ҷумъаи рӯзи 17-уми апрел низ қироат шудааст. Ба гуфтаи руҳониёни Доғистон Ибодулло Наботов зодаи Тоҷикистон буда, тайи 5 соли охир дар масҷиди Махачкала кор кардааст.
Мурод Маллев, вакили дифои Наботов изҳор медорад, ки зерҳимояаш то эълони расмии айб алайҳи ӯ дар ҳабси хонагӣ қарор хоҳад дошт.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |