28 апр 2015 13:09Тоҷикистон / Сиёсат

Эмомалӣ Раҳмон осебдидагони террори Пешоварро ба меҳмонӣ хонд

Эмомалӣ Раҳмон, раисиҷумҳури Тоҷикистон, донишомӯзони осебдидаи мактаби низомии Пешоварро, ки моҳи декабри соли 2014 ҳадафи ҳамлаи Толибон қарор гирифтанд, барои беҳбудии саломатиашон ба Тоҷикистон даъват кардааст.

Дар ин бора сафорати Тоҷикистон дар Покистон иттилоъ дода, афзудааст, ки ин сафар тобистони соли равон дар назар аст. Ба иттилои манбаъ Эмомалӣ Раҳмон ба вазорату ниҳодҳои зертобеяш дастур додааст, то барои донишомӯзони осебдида барномаи фарогирро рӯи даст гиранд: “Ин барнома намоишҳои фарҳангӣ ва боздид аз ҷойҳои таърихии Тоҷикистонро фаро мегирад. Ҳадафи ин иқдоми Эмомалӣ Раҳмон баён кардани ҳамдардӣ ба донишомӯзону хонаводаҳо ва инчунин кумак барои барқарор кардани саломатӣ баъди ҳодисаи хунин мебошад”.

Рӯзномаи “Daily Express” аз қавли сухангӯи сафорати Тоҷикистон дар Покистон овардааст, ки санаи дақиқи сафари донишомӯзони осебдидаро ҳукумати Покистон ба сафорати Тоҷикистон хоҳад гуфт.

Ҳамлаи маргбор ба мактаби шаҳри Пешовар 16-уми декабр рух дод, ки масъулияти онро гуруҳи Толибони покистонӣ ба уҳда гирифтанд. Як рӯз баъд аз вуқӯи ин ҳодиса Эмомалӣ Раҳмон, раисиумҳури Тоҷикистон, бо ирсоли барқия ба Муҳаммад Навоз Шариф, сарвазири Покистон изҳори тасаллият кард.

Мӯҳр

Хабарҳои монанд:

Истиклол

ОФАРИН ЧАНОБИ ОЛИ, БИСЁР КОРИ ХАЙР МЕБОШАД

Ҷавоб диҳед Иқтибос Шикоят

Ofarin

Ofarin tokush nestay

Ҷавоб диҳед Иқтибос Шикоят

Султон

Худованд охирати падару модари Чаноби Оли Эмомали Рахмонро обод кунад. Эй хамватанон ин мардиро бинед ба Худо марди Худодод аст Чаноби Оли. Худо доимо шод ва бегам бошед ва соябони мардуми азияткашидаи Точикистон бошед.

Ҷавоб диҳед Иқтибос Шикоят

Зохид

Офарин Чаноби Оли!
Беимонхо худро мусалмон шуморида кудакони бегунохро мавриди хамла карор доданд, агар гап занад мегуи аз вай дида шахси Худотарс дар руи чахон нест, аммо номусалмонанд! агар мусалмон мебуданд харгиз ин корро намекарданд.
Кадом шахсе, ки хизматхову гамхорихои Чаноби Олиро нодида мегирад, курнамак аст!

Ҷавоб диҳед Иқтибос Шикоят

Муким

Ин аст мусулмони дар Точикистон Боз баъзехо даъво доранд, ки дар Точикистон мусулмони паст аст. Бояд шукрона кард, ки бадбахтии мардуми Покистон, ки давлати исломи мебошад ба сари мардуми точик наояд.

Ҷавоб диҳед Иқтибос Шикоят

Эзоҳ илова кунед