Марказӣ тестӣ маблағҳоятонро бозпас медиҳад, агар...
Маркази миллии тестии назди Президенти Ҷумҳурии Тоҷикистон мегӯяд, довталабоне, ки дар Марказ номнавис шудаанд, вале бо сабабҳои гуногун дар имтиҳонҳои дохилшавӣ иштирок карда наметавонанд, имкон доранд, барои бозпас гирифтани маблағҳо то 13 майи соли 2015 тариқи ариза муроҷиат намоянд.
Ба иттилои дафтари матбуотии ин ниҳод, инчунин довталабоне, ки барои азнавбақайдгирӣ маблағ пардохт карда, аз қайд нагузаштаанд ва нафароне, ки маблағи хизматрасонӣ барои иштирок дар имтиҳонҳои марказонидаи дохилшавиро пардохт намуда, сабти ном нашудаанд, низ метавонанд маблағҳои худро бозпас бигиранд.
Маркази миллии тестӣ гуфтааст, бозпас гирифтани маблағ танҳо тариқи ариза имконпазир аст ва довталаб ё намояндаи ваколатдори ӯ бояд то 13 май ба Марказ муроҷиат намоянд ва дар баробари ариза варақаи номнависшавиро низ пешниҳод намоянд.
Ситорабону Назарова, сухангӯйи ин ниҳод ба “Озодагон” гуфт, пас аз 13 май дигар корҳои банақшагирифтаи Марказ оғоз шуда, имкон намешавад ба масъалаи бозпас додани маблағи шахсони мазкур кормандони марказ сару кор бигиранд.
Маркази миллии тестӣ мегӯяд, “агар довталаб аз иштирок дар имтиҳонҳо даст кашидан хоҳад ё барои иштирок дар имтиҳонҳо имконият надошта бошад ва ба Марказ барои бозпас гирифтани маблағи пардохтшуда аз муҳлати муқаррарнамуда дер муроҷиат намояд, маблағи пардохтшуда, ба истиснои ҳолатҳои ғайричашмдошт, ки аз довталаб вобастагӣ надоранд ва бо ҳуҷҷатҳо тасдиқ гардидаанд, баргардонида намешавад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |