6500 сомонӣ ба ғолиби Озмуни “Ҳифз ва қироати Қуръони Карим”
Дар анҷоми даври ниҳойии озмун, ки имрӯз, 7 май дар Маркази равобити пойтахт сурат пазируфт, Аёмиддин Фахриддинов дар бахши ҳифзи кулли Қуръон бо риояи таҷвид ва ҳифзи матни муқаддимаи ҷазария мақоми аввалро соҳиб шуд. Саидакобир Зиёдуллоев, Илҳомиддин Калонов ва Ҳоҷиакбар Эшонов мутаносибан ҷойҳои ду то чорро касб намуданд.
Дар бахши ҳифзи кулли Қуръон бо зикри номи сура, рақами оят ва саҳифа, пирӯзӣ насиби Абдулботин Шарипов гардид. Лутфулло Холиқов, Муҳибуллои Муҳаммадулло, Абдусамад Хушқадамов дар зинаҳои баъдӣ нишастанд. Дар бахши ҳифзи кулли Қуръон бо риояи таҷвид ва тафсири сураҳои “Нисо”, “Моида” ва “Анъом” Карим Акбаровро беҳтарин эълон карданд ва Аюби Абдураҳим, Мифтоҳиддин Исломзода, Ҳомидов Ҳисомиддин мақомҳои аз ду то чорро ба худ ихтисос доданд.
Дар бахши ҳифзи кулли Қуръон ва ҳифзи матни “Чиҳил ҳадиси имом Нававӣ” Наврӯзи Ҳамдулло ҷои аввалро касб кард. Муҳаммадӣ Маҳмадиев, Шодмон Музаффаров, Иброҳим Ашуров дар мақомҳои баъдӣ нишастанд.
Дар бахши ҳифзи 20 ҷузъи Қуръон бо риояи таҷвид бошад, Нуъмонҷон Абдулқодиров аввал шуд. Ҳамдулло Иноятов, Сайфулло Холиқов ва Меъроҷиддин Шарипов мутаносибан ҷойҳои ду то чорро соҳиб гардиданд.
Ба ғолибони озмун дар ҳаҷми аз 1000 то 6,5 ҳазор сомонӣ мукофотпулӣ дода шуд. Дар расми тақдими ҷоизаҳо, ки аз ифтихорнома, китоби Қуръон ва туҳфаҳои пулӣ иборат буд, Саидмукаррам Абдулқодирзода, раиси Шӯрои уламои Маркази исломии Тоҷикистон, Шайх Мусо Мирзо Ҳоҷӣ, ноиби муфтии Қирғизистон ва намояндаи сафорати Арабистони Саудӣ иштирок доштанд.
Қаблан, Комилҷон Сайидолимов, муовини ректори Донишкадаи исломии Тоҷикистон ба номи Имоми Аъзам оид ба илм ба “Озодагон” иттилоъ дода буд, ки озмун аз ду давра иборат буда, дар қисмати аввали он 117 нафар аз тамоми гӯшаю канори ҷумҳурӣ ширкат намуда, танҳо 48 тан ба даври дуюм роҳхат гирифтаанд.
Масъулини Донишкадаи исломии Тоҷикистон ба номи Имоми Аъзам-Абуҳанифа инчунин гуфтанд, озмуни “Ҳифз ва қироати Қуръони Карим” аз соли 2009 ба ин сӯ зери сарпарастии Эмомалӣ Раҳмон, раисиҷумҳури кишвар баргузор шуда, ҳадафи аслии он дарёфт ва парвариши беҳтарин қориҳои Қуръон дар ҷумҳурӣ мебошад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
