Абдураҳмон Қодирӣ ҶБВ-ро аз ҷангҳои фоҷиабортарини башарият гуфт (АКС)
Имрӯз, 8 май дар назди Муҷассамаи ёдбуди шаҳидони Ҷанги Бузурги Ватании солҳои 1941-1945, воқеъ дар маркази шаҳри Хуҷанд, бо иштироки раиси вилояти Суғд -- Абдураҳмон Қодирӣ ба ифтихори 70-солагии Рӯзи Ғалаба маросими тантанавии гулгузорӣ доир гардид.
Абдураҳмон Қодирӣ аснои суханронӣ Ҷанги Бузурги Ватаниро аз ҷангҳои фоҷиабортарини башарият арзёбӣ карда, аз нақши ҷанговарони тоҷик дар таъмини Ғалаба ситоиш кард.
Зикр шуд, дар қаламрави вилояти Суғд 242 иштирокчии ҶБВ умр ба сар мебарад. Дар арафаи таҷлили Рӯзи Ғалаба ба ҳар иштирокчии ин ҷанг аз ҷониби Эмомалӣ Раҳмон, раисиҷумҳури кишвар ба маблағи 1500 сомонӣ ва аз сӯи Абдураҳмон Қодирӣ, раиси вилояти Суғд ба маблағи 1000 сомонӣ кӯмакпулиии якдафъаина расонида шуданд.
Тибқи маълумоти Шӯрои собиқадрони ҷангу меҳнати шаҳри Хуҷанд, солҳои ҶБВ беш аз 270 ҳазор тоҷикистонӣ ба ҳимояи Ватан сафарбар шуда, зиёда аз 100 ҳазор нафарашон аз майдони набард барнагаштанд. 54 иштирокчии ҶБВ аз Тоҷикистон ба унвони Қаҳрамони Иттиҳоди Шӯравӣ сазовор дониста шуданд, ки 15 нафарашон аз Суғд ҳастанд. Инчунин, 21 нафар аз ҷумҳурӣ (10 кас аз Суғд) ба ордени дараҷаи 3 сарфароз гаштаанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |