11 май 2015 11:30Оcиёи Марказӣ / Тоҷикистон

Муовини сарвазир рушди саноатро дар Хатлон нигаронкунанда хонд

Азим Иброҳим, муовини сарвазири Тоҷикистон, ки дар доираи як сафари корӣ аз бархе шаҳру навоҳии ҷануби кишвар боздид намуд, рушди саноат дар вилояти Хатлонро нигаронкунанда арзёбӣ кардааст.

Муовини сарвазири Тоҷикистон гуфтааст, “новобаста аз дастовардҳо, ҳолати кунунии рушди саноат дар вилоят хеле нигаронкунанда мебошад”. Ҷаноби Иброҳим таъкид кардааст, имкониятҳо дар тамоми шаҳру навоҳии вилояти Хатлон барои ҷалби сармоягузорони дохилию хориҷӣ вуҷуд дорад, вале ҷалби соҳибкорони дохиливу ватанӣ, ҷиҳати таъсиси корхонаҳои коркард ба малакаи кордониву ташкилии раисон ва муовинони сарпарасти соҳа вобастагӣ дорад: “Таносуби маҷмӯи маҳсулоти миёнаи саноатӣ ба сари аҳолии вилоят барои семоҳаи аввал 333,4 сомониро ташкил медиҳад, ки ин қобили қабул нест”.

Муовини сарвазири Тоҷикистон дар робита ба ҳалли ин мушкил ба раҳбарони шаҳру навоҳии вилоят дастур дода, таъкид кардааст, “дар фаъолияти минбаъдаи онҳо маҳз ҳамин нишондиҳанда бояд аз вазифаҳои аввалиндараҷа ба шумор равад”.

Ба гуфтаи ӯ, соҳаи дӯзандагӣ метавонад, яке аз роҳҳои беҳтарини бо ҷои кор таъмин кардани бархе аз сокинони вилояти Хатлон бошад, “чун бар асоси омори расмӣ дар вилоят барои соли таҳсили 2014/15 донишҷуён мактабҳои олӣ ва миёнаи техники 41700 нафар, талабагон 654376 нафар ва кўдакони кўдакистонҳо бошад, 26123 нафарро ташкил медиҳанд. Дар сохторҳои тандурустии шаҳру ноҳияҳои минтақаи Қӯрғонтеппаи вилояти Хатлон зиёда аз 12 ҳазор табибон, кормандони миёна ва хурди тиб фаъолият мекунанд. Яъне, бозори калони хизматрасонӣ вуҷуд дорад ва дар ҳолати таъмин намудани сифат ва арзиши дастрас мо метавонем на танҳо худро бо либоси шинаму зебои ватанӣ таъмин намоем, инчунин ҷойҳои кории доимӣ ва манбаъҳои пардохти андозҳоро дар шаҳру ноҳияҳо таъсис диҳем”.

Мӯҳр

Хабарҳои монанд:

Мухаммад

Ба сахми муовини вазир расонданиам ки агар сохибкор як корхона кушояд 1) аз мохи октябр свет проблема,2) нав корхонара мекушои ки сармешад фаред куни о бача МО дар инча шиштаем мора кам кам нигох кун( дар ин хамаи намояндахои вазоратхо дар нохияхо дохил мешаванд ино намояндаи вазорат нею рекети нохия нависи дар пештоки дарашон мешад) дигар аз кучо кор кунад бечора сохибкор .нархи кувваи барк дар ширкатхои хусуси нисбат ба корхонахои давлати 3 е 4 баробар зиед шумо мухтарам чонишини вазир мешудед ба чои сохибкорхо пулатонро дар ягон чо хамин хел мепартофтед?

Ҷавоб диҳед Иқтибос Шикоят

истехсолот

Дар точикистон то тага надошта боши корут чазирай мухтарам
вазир! сухан бисераст лекин инчо чои сухбат нест раис як худат фикр кун барои чи истехсолот пеш намерад дар точикистон

Ҷавоб диҳед Иқтибос Шикоят

Эзоҳ илова кунед