12 май 2015 12:11Тоҷикистон / Иҷтимоӣ / Рӯ ба рӯ / Тема дня

Сухани охирини директори "Назари нек": Аз рӯи инсоф ҳукм бароред

Рустамҷон Ҷӯраев, раиси бозори “Назари нек”-и ноҳияи Бобоҷон Ғафуров, ки дар куштори як ноболиғ муттаҳам мешавад, имрӯз, 12 май зимни мурофиаи додгоҳӣ хостори ҳукми одилонаи додгоҳ шудааст.

Нуриддин Маҳкамов, вакили мудофеи Рустамҷон Ҷӯраев ба “Озодагон” гуфт, зерҳимояаш аснои ибрози сухани охирин дар додгоҳ ба падари 7 фарзанд буданаш ишора карда, аз додрас хоҳиш намудааст, аз рӯи инсоф ҳукм содир кунад: “Ӯ гуфт, ман ҳам намехостам, чунин кор шавад, хоҳиш мекунам ҳукми вазнин бароварда нашавад ва нисбати амали ман одилона баҳо дода шавад”.

Рӯзи 5 май айбдоркунандаи давлатӣ дар Додгоҳи вилояти Суғд аз додраси парванда талаб намуд, Рустамҷон Ҷӯраевро, ки дар куштори ноболиғ Зиёдбек Ҷӯраеви 17-сола, хонандаи мактаб-интернати шаҳри Чкалов муттаҳам мешавад, 20 сол ва ду ҳамроҳашро 19 солӣ аз озодӣ маҳрум кунад.

Нуриддин Маҳкамов, вакили мудофеи Рустамҷон Ҷӯраев афзуд, “додрас баъди шунидани сухани охирини гумонбар ба хонаи машваратӣ рафт ва қарор аст рӯзи ҷумъаи 15 май ҳукмашро эълон кунад”.

Мақомоти пулиси вилояти Суғд моҳи январ аз ҳалокати як ноболиғ дар ноҳияи Бобоҷон Ғафуров хабар дода гуфтанд, ӯ дар пайи латту кӯби директор ва муҳофизони бозори “Назари нек” ҷон додааст. Манбаъ гуфт, тахминан соатҳои 01:30-и 15 январи соли ҷорӣ ноболиғон Эраҷ Исоеви 16-сола ва Зиёдбек Ҷӯраеви 17-сола, хонандаҳои мактаб-интернати бачагонаи шаҳри Чкалов ба маркази савдои “Сабрина”, воқеъ дар бозори “Назари Нек”-и ноҳияи Бобоҷон Ғафуров омада, бо роҳи шикастани дари мағозаи хӯрокворӣ, аз хазинаи он 386 сомонӣ маблағи пулиро гирифтаанд: “Ноболиғон аз ҷамъшавии кормандони бозор огаҳ шуда, барои ба дасти онҳо наафтодан, ба дохили анбори мағоза даромада, дари онро аз дохил маҳкам мекунанд ва пинҳон мешаванд".

Ба гуфтаи пулис, директори бозори “Назари Нек” -- Рустамҷон Ҷӯраеви 39-сола бо ду корманди дигари ин бозор -- Бобурҷон Юсуфови 29-сола ва Аҳлиддин Файзиеви 37-сола, ноболиғонро аз дохили анбор бароварда, онхоро бо мушту лагад ва пояи мизи пластмасси задаанд: “Дар натиҷа, ноболиғ Зиёдбек Ҷӯраев, ки ятим будааст, дар ҷойи ҳодиса ба ҳалокат мерасад. Ноболиғи дигар Исоев дар беморхона бистарӣ гардидааст”.

Рустам Ҷӯраев, директори бозори “Назари Нек” дар барномае тавассути телевизиони "Симои мустақили якуми Хуҷанд" ба гуноҳи худ иқрор намуда, изҳор дошт, ин амал барқасдона не, балки тасодуфӣ анҷом шудааст ва фикр мекарданд, ин ду ноболиғ дузди ҳирфаӣ мебошанд: “Худамонро идора карда натавонистем ва ҳама каса онҳоро латту кӯб кардем. Аз ин кори кардаи худ сахт пушаймон ҳастем.”

Мӯҳр

Хабарҳои монанд:

Сабур

Гову хар аз огахи одам нашуд,
Одами гар лахзае гофил шавад хар мешавад.
Баъдан ин ки хар чи зеро ки кишт карди хосили хамонро медарави, Рустамчон....

Ҷавоб диҳед Иқтибос Шикоят

тт

Сохиби 7 фарзанд будаи чаро нисбати ятимбача латукубро раво диди?

Ҷавоб диҳед Иқтибос Шикоят

назар

Ин кӯдаккушу ятимкушро бинед,акнун аз инсоф гап мезанад. Он вақте, ки он кӯдак зорӣ мекард назанед, накушед шумо магар одилона рафтор кардед...

Худо ҷазошро медиҳад

Ҷавоб диҳед Иқтибос Шикоят

Мехмони беном

агар одалатро мехохед. адолат ин хун ба чои хун чон ба чои чон аст

Ҷавоб диҳед Иқтибос Шикоят

Асадулло

Агар аз руи инсоф додгох хукм барорад бояд ХУКМИ КАТЛ дихан тура беинсоф !!!!!!!!!!!!!!!!!!

Ҷавоб диҳед Иқтибос Шикоят

Эзоҳ илова кунед