ВКД: Аз мо касе ба Иззат Амон таҳдид накардааст
Вазорати умури дохилии Тоҷикистон мегӯяд, аз кормандони ин ниҳод касе ба Иззат Амон, раиси созмони “Иттиҳоди ҷавонони тоҷик дар Русия” занг назада ва таҳдид накардааст.
Торнамои расмии ин ниҳод, имрӯз, 12 май бо пахши як иттилоия гуфт, санҷишҳо нишон доданд, ки аз ҷониби Вазорати корҳои дохилии Ҷумҳурии Тоҷикистон ба Иззат Амон касе занг назадаасту таҳдид ҳам накардааст: “Номаи роҳбари ба ном созмони Иттиҳоди ҷавонони тоҷик дар Федератсияи Россия Иззат Амон, нисбати кормандону намояндаи Вазорати корҳои дохилии Ҷумҳурии Тоҷикистон дар Россия омӯхта шуда, хаёлу тахмин ва гумонҳои ӯ беасос арзёбӣ гардид”.
Ин дар ҳолест, ки Иззат Амон 11 май бо пахши як муроҷиатнома унвонии Рамазон Раҳимзода, вазири умури дохилӣ гуфт, “ба самъи Шумо мерасонам, ки баъд аз нашри муроҷиатномаи мо ба раисҷумҳури кишвар мӯҳтарам Эмомали Раҳмон оиди вохурӣ бо муҳоҷирони тоҷик дар Маскав шахсони номаълуме ба телефони ҳамроҳи ман занг зада худро кормандони ВКД муаррифӣ карданд. Ҳангоми сӯҳбат ин шахсон бо таҳдид аз ман талаб карданд, ки матни муроҷиатномаро аз саҳфаи худ дар сомонаи фейсбук пок кунам. Гуё ин ки ВКД кайҳо нисбати ман парвандаи ҷиноӣ боз кардаасту мунтазири бозгашти ман ба ватан мебошад. Онҳо гуфтанд,ки замони бозгашт онҳо, (яъне кормандони ВКД) ҳатман ин дафъа маро боздошт карда хабс мекардаанд”.
Иззат Амон дар идома таъкид намуд, ки Эмомалӣ Раҳмон на фақат раисҷумҳури як гуруҳ кормандони ВКД ва ё кадом ниҳоди дигар, балки сарвари давлат ва рахбари тамоми кишвар аст: “Ҳар як фарди тоҷику тоҷикистонӣ новобаста аз пусту нажод ва мақоми доштааш дар ҷомеъа тибқи Сарқонуни кишвар ва дигар қавонини шаҳрвандӣ ҳуқуқ дорад ба раисҷумҳур муроҷиат намояд”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |