13 май 2015 18:17Тоҷикистон / Иҷтимоӣ

Манъи фурӯши меваҳои хушк дар бозори “Шоҳмансур” бо қарори Убайдуллоев

Маҳмадсаид Убайдуллоев, шаҳрдори Душанбе қарори манъи фурӯши меваҳои хушк дар бозори “Шоҳмансур”-и пойтахтро содир кард.

Ба иттилои дафтари матбуоти шаҳрдорӣ, бар асоси ин қарор, ки рӯзи 13 май содир шуд, аз ин ба баъд дар бозори “Шоҳмансур” фурӯхтани мавиз, писта, бодом, чормағз, фундук, донаи зардолу, ғулинг, нахуди бирён, анҷир ва дигар меваҳои хушку асал манъ гардид.

Тибқи ин қарор раҳбарияти бозор муваззаф шудааст, то ба фурӯши молҳои саноатӣ роҳ надода, дар ҳудуди бозор танҳо фурӯши маҳсулоти кишоварзӣ, агросаноатӣ ва маводи ғизоиро ба роҳ монад.

Убайдуллоев бо содир кардани ин қарор Муассисаи давлатии коммуналии “Душанбенақлиётхадамот-расон”-ро вазифадор кардааст, то дар робита ба ҳолатҳои таваққуфи дарозмуддати воситаҳои нақлиёти мусофиркаши хатсайрҳои №4,8,16,18 ва 67, тариқи роҳҳои гирду атрофи бозори “Шоҳмансур” чораандешӣ намоян. Инчунин ба Хадамоти давлатии назорат ва танзим дар соҳаи нақлиёти Душанбе дастур шуда, нисбати таксиҳои хурди мусофиркаш дар назди бозори мазкур бар асоси талаботи Қонуни Ҷумҳурии Тоҷикистон “Дар бораи иҷозатномадиҳӣ ба баъзе намудҳои фаъолият” ва қонунгузории амалкунанда, чораҷӯӣ кунад.

Соҳибкорони бозори “Шаҳмонсур”, ки ба фурӯши меваҳои хушк машғул буданд, охирҳои моҳи апрел ба Маҷмаи савдои “Пойтахт 90” интиқол дода шуданд. Чанд рӯз қабл, бархе аз ин тоҷирон ба хабарнигори "Озодагон" аз кам будани харидорон ва барор нагирифтани савдояшон нигаронӣ карда гуфтанд, агар вазъ ба ҳамин минвол идома пайдо кунад, маҷбуранд тиҷораташонро қатъ кунанд.

Мӯҳр

Хабарҳои монанд:

dilshod

Бозори пойтахт 90- да нархша, яъне нархи махсулота арзон кунад, ки мардум ба ончо раванд!

Ҷавоб диҳед Иқтибос Шикоят

точик

Бояд ин чизхо дар бозори убайдуллоев фурух а шаванд? Хамин бозоршинои бечораро девона кардед. То кай аз ин бозор чой харанду пеш мекунед боз хазорхо доларашон сухта боз аз дигар бозор чой харанд???????¿??????

Ҷавоб диҳед Иқтибос Шикоят

Сироч

То вакте ки Убайдуллоев хаст ин кор идома меебад.Дигар чи манбаи даромад мондааст??????

Ҷавоб диҳед Иқтибос Шикоят

ш Душанбе

мухтарам Шахрдор , чи мешуд хамин бозори шохмансурро аз решааш бардошта шавад бисиёр кори хуб мешуд ,чунки дар атрофи бозор гапу чак бисёр аст , хамаи Сохибкоронро ба бозори шахсии худатон баред .....ва назората аз болои савдогарон прзур кунед ..Ачоиб бозори замонави сохтаед...

Ҷавоб диҳед Иқтибос Шикоят

чаллоди бозор

дар холи хозир дар тамоми бозорхои чумхури хамин холат идома дорад аз он чумла дар бозори дехкон. дехкони бечора махсулоташро мебиёрад то фурушад чекчинои бозор чека мечинанду баъди соати 9 масъулини бозор мебиёянду мехезонанд бечора дехкона махсулоташро аз нархаш ба зарар фурухта меравад. баъд аз кучо сохаи кишоварзии мо пеш меравад.

Ҷавоб диҳед Иқтибос Шикоят

said

инчо гап сари бозири шахси намеравад чанобон! бозори шахсихам бошад налоги давлатро месупорад, ки ба бучаи давлат воида меорад. дигар ин ки бозори Шохмансур ба талаботи шахрдори чавобгу нест ва нихоят дар чои номувофикхам хаст ва акнун чои муайяни худро ёфту ба танзим даромад...

Ҷавоб диҳед Иқтибос Шикоят

Эзоҳ илова кунед