Аз 6 то 19:00: Реҷаи кории Убайдуллоев барои мансабдорони навтаъин
Маҳмадсаид Убайдуллоев, раиси шаҳри Душанбе дар ҷаласаи васеи шаҳрдорӣ масъалаи наздик шудани мансабдорон ба мардумро ба миён гузошта, реҷаи кории муовинон нави худ ва раисони навоҳии пойтахтро таъин кардааст.
Тибқи иттилои дафтари матбуоти шаҳрдорӣ, Убайдуллоев дар ҷаласаи рӯзи 25 май таваҷҷуҳи асосиро ба тақвияти тадбирҳо барои баррасии муроҷиатҳои шаҳрвандон дар сатҳи шаҳр ва ноҳияҳо равона намуд. Ӯ аз ҷумла рӯйхати қабул ва навбтадории муовинонашро тасдиқ кардааст, ки дар баробари рӯзи корӣ аз соати 17 то 19 ба қабулу ҳалли мушкили сокинон машғул хоҳанд шуд.
Маҳмадсаид Убайдуллоев барои огоҳии мансабдорон аз вазъи воқеӣ дар маҳалҳо ва вусъати корҳои ободонӣ реҷаи кории раисони ноҳияҳо ва муовинони сарпарасти раиси шаҳр дар ноҳияҳоро низ тағйир додаааст. Тибқи реҷаи нави корӣ раисони ноҳияҳо ва муовинони Убайдуллоев муваззаф карда шудаанд, ки ҳар субҳ, ба ҷуз рӯзҳои панҷшанбе, аз соати 6 то 8 боздиди ҳатмии корӣ дар маҳалҳо анҷом дода, оид ба рафъи мушкилоти ифшогардида тадбирҳои фаврӣ андешанд.
Реҷаи нави корӣ дар ҳолест, ки ахиран ба мақоми раисони навоҳии Душанбе ва муовинони Убайдуллоев афроди нав таъин гардиданд.
Ба иттилои дафтари матбуоти шаҳрдорӣ дар ҷаласа инчунин муқаррар шудааст, ки шуруъ аз 1 июни соли 2015 ҳар ҳафта рӯзҳои шанбе аз соати 9 то 12 қабули шаҳрвандоне, ки муроҷиатҳояшон дар сатҳи муовинони раиси шаҳр ва раисони ноҳияҳо ҳалли худро пайдо накардаанд, аз ҷониби раиси шаҳри Душанбе ба роҳ монда мешавад.
Манбаъ илова намуд, ки дар ҷаласа инчунин доир ба омодагиҳои ҳамаҷониба ба Рӯзи ваҳдат, ғанӣ гардонидани бозори истеъмолӣ, таъмини ҳатмии муқаррароти қонунгузорӣ дар самти истифодабарии замин, дастрасии сокинон ба хизматрасониҳо, ҳолати санитарию экологӣ, аз байн бурдани савдои кӯчагӣ, пешгирии зиёдаравиҳо дар иҷрои русуми адёнӣ ва таблиғоти бегона, вазъи зиддисӯхторӣ дар шаҳр ва ташкилоту идораҳо, ҳолати наҳру селпартоҳо ва дар доираи масъулияти шаҳрвандӣ дар муассисаҳои таҳсилоти умумии шаҳр баргузор намудани “Занги камолот”, аз ҷониби раиси шаҳр ба масъулин дастуру супоришҳо дода шуд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |