Кумитаи амният ҷойҳои будубоши салафиҳоро номбар кард
Амирбек Бекназаров, намояндаи Кумитаи давлатии амнияти миллии Тоҷикистон ҳаракати салафияро барои амният хатарнок хонда, мавзеъҳоеро дар кишвар ном бурд, ки салафиҳо дар он ҷо нуфузи бештар доранд.
Бекназаров, ки имрӯз, 27-уми май дар мавзӯи “Таҳдиди ифротгароии салафӣ ба суботи ҷомеа ва амнияти миллӣ” дар Душанбе баромад мекард, салафияро ҷараёни хатарноке хонд, ки бо баҳонаи рӯй овардан ба асли Ислом ва дур сохтани бидъат аз дин, байни мазҳабҳою равияҳои динӣ ихтилофҳо ба вуҷуд меорад.
Ин масъули Кумитаи амният таъкид кард, ки гарчанде давлати Тоҷикистон ҳаракати салафияро экстремистӣ эълон кардааст, ҳанӯз ҳам дар кишвар ҷойҳое ҳастанд, ки салафиҳо нуфуз доранд.
Бекназаров гуфт, дар қаламрави Душанбе салафия бештар дар бозорҳои Корвон, Шоҳмансур, Ганҷина, дар маҳаллаҳои Сурхоб, Қаротегинский, Қазоқон маҳаллаҳои Заҳматобод, Гулистон ва дар маҳаллаҳои алоҳидаи Кӯлоб, Истаравшан, Хуҷанд, Исфара ва Ҳисор нуфуз доранд. Ӯ шарҳ дод, ки омили асосии рӯй овардани ҷавонони тоҷик ба ҳаракатҳои ифротӣ, аз ҷумла салафия сатҳи пасти дониши динию дунявӣ аст. Ба гуфтаи ин намояндаи Кумитаи амният имрӯз ҳудуди 90 дарсади шаҳрвандони Тоҷикистон, ки талоши таҳсил дар кишварҳои исломиро доранд, дониши мукаммали динию дунявӣ надоранд ё дар назди афроди алоҳида дар кишвар таълимоти нодуруст гирифтаанд.
Инчунин Амирбек Бекназаров илова кард, ки бархе аз ҳаракатҳои ифротӣ аз мушкилоти сатҳи баланди коррупсия, набудани ҷойҳои холии корӣ ва муҳоҷират сӯиистифода карда, ҷавононро ба ҷабҳаи худ ҷалб мекунанд.
Бекназаров, ки аз номи Кумитаи амният баромад мекард, дар гузашта роҳбарии мақомоти амнияти Хатлон ва Раёсати Кумитаи давлатии амнияти миллӣ дар Бадахшонро ба уҳда доштааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |