Қубодиён: Келинҳо хушдоманро зинда сӯзонда, гуфтанд гум шудааст (АКС)
Вазорати умури дохилии Тоҷикистон аз боздошти ду келини як хонавода дар ноҳияи Қубодиён хабар дод, ки хушдоманашонро ба қатл расонда, ба пулис гуфтаанд, ӯ гум шудааст.
Тибқи иттилои дафтари матбуоти Вазорати умури дохилии Тоҷикистон, моҳи январи соли равон наздикони Норгул Азимоваи 56 сола, сокини ҷамотаи деҳоти Тахти Сангини ноҳияи Қубодиён оид ба бедарак гардидани ӯ ба ШКД-и Қубодиён муроҷиат кардаанд. Манбаъ мегӯяд, наздиконаш гуфтаанд, Норгул Азимова гуиё шоми 26 ба 27-уми декабри соли 2014 ба самти номаълум рафта, ба ҳамин бедарак гардидааст: “Дар натиҷаи ба роҳ мондани корҳои оперативӣ ҷустуҷӯӣ муайян гардид, ки Норгул Азимова бедарак не, балки бо як бераҳмии махсус аз ҷониби келинҳои хонадон ба қатл расонида шудааст. Ду келини Норгул Азимова бо маслиҳати пешакӣ, бо мақсади аз ҳаёт маҳрум намудани ӯ нақшаи ҷинояти кушторро кашида, бо истифода аз офтоба ва санг ба сару руй ва тани Норгул Азимова задаанд”.
Дар гузориши видеоии омодакардаи дафтари матбуоти Вазорати умури дохилӣ келинҳо тасдиқ мекунанд, ки хушдоманашонро бо офтобаву санг зада, баъдан ӯро оташ задаанд. Яке аз келинҳои ин зан ҳолати лату кӯбу хушдоманашро чунин шарҳ дод: “Аввал якто задам, баъд бо санг дар сараш задем, беҳуш шуд, берун баровардем. Ба чуқурӣ партофта, баъд Сафаргул бензинро дар болояш рехт ва зажигалка алов зад. Хушдоманам аз ҷояш хеста ин пара он пара худашро мепартофт”. Ба иттилои манбаъ хокистарро келинҳо ба дарё андохтаанд.
Вазорати умури дохилии Тоҷикистон афзуд, аз рӯи ин ҳолати куштор, ки дар чанд соли охир ҳамто надорад, додситонии Қубодиён парвандаи ҷиноӣ кушода, муттаҳамон дар ҳабси пешакӣ қарор доранд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |